6 years ago
  • ما قبل الحمل
اول حمل ليا بعد إجهاض وسنتين ونص زواج حامل الان في بداية الشهر الثالث المشكلة اني ع طول بفكر ان الجنين توفا او توقف نبضه وببقي طول الوقت خايفه وعندي وسواس مع اني بصلي وبقرا قرآن وبفضل ادعي ربنا كتير انه يحفظه ليا واستودعته عند الله بس غصب عني بيجيلي وسواس ان الطفل فيه شئ وان الحمل مش هيكمل اعمل ايه علشان ابطل افكر كدا لان التفكير تعبني كتير وخايفه يأثر عليا انا من خوفي مش حاسه بحملي ومش حاسه بفرحه الحمل من كتر الخوف خايفه اتعلق بيه حتى زوجي لما يتكلم عنه انا بسكت. وبعيط لانه اكتير فرحان بيه خايفه يروح واشوف الحزن ف عيونه تانى هل اللي انا فيه ده طبيعي وفي حل ليه ازاي ابعد التفكير ده عني ادعولي امانه الله يتمم حملي ع خير ويقر عيني بشوفه كامل الخلق ولكم بالمثل

17 تعليقات

العضوة: 650507 , 6 years ago

لا تخافي ربنا يثبت حملك يا رب وتقومي انتي والبيبي سالمين بدون زياده او نقصان

العضوة: 674462 , 6 years ago

يارب الله يسمع منك يارب ويجبر بخاطرك ويفرح قلبك