يسعد أوقاتكم أمهات وحوامل 🌹🌹
موضوعي عن الام اللي خلفتها بنوتات عسولات أميرات 😍
الله يحفظهم ي رب ويبارك فيهم ويجعلهم سبب لدخولنا الجنة وصحبة سيدنا محمد صلى الله عليه وسلم بالفردوس الأعلى
قال صلى الله عليه وسلم " لا تكرهوا البنات فإنهن المؤنسات الغاليات"
وقال ايضا صلى الله عليه وسلم "من كانت له ثلاث بنات فصبر عليهن وسقاهن وكساهن كن له حجابا من النار"
طبعا كلنا اطفالنا غالين علينا سواء بنات أو اولاد الله يحفظهم ي رب لكن سؤالي اليوم لأم الاميرات
هل واجهتي كلام او نظرات من المجتمع حولك أزعجتك لان ما عندك مولود ذكر وكيف تغلبتي عليها
وكيف تغلبتي على رغبتك في إنجاب الولد
طبعا كالعادة ببدأ انا 😇
انا ام لأميرتين الله يحفظهم ويبارك فيهم ويصلحهم وحامل حاليا بالأميرة الثالثة
ما أنكر نظرة المجتمع بعضهم شفقه وبعضهم يدعون لي بالولد ويخيب ظن السونار وبعضهم الآخر تسمع بالحكي والله يجازي كل إنسان حسب نواياه
لكن اللي عملته اني التزمت الصمت وارد احيانا بأدب وطريقة مسكتة يعني ما عليكم مو انتو الي رح تأكلوهم وتشربوهم وتصرفو عليهم
وأيقنت تمام اليقين ان الله رزقني بالبنات وأمر الله كله خيرة وبإذن الله بعد سنوات او زمن رح أعرف حكمة الله في أن يجعل اول اطفالي بنات
ورغبتي بالولد الصالح جعلتها دعوة بيني وبين ربي الذي قال ادعوني استجب لكم
وان شاء الله ربي يكرمني ويكرم كل أم ما تتمنى من الذرية الصالحة ويبارك فيهم
أمهات الاميرات 😍 الموضوع لكم انطلقو كل وحدة تقول كم أميرة عندها وتفضفض بما تريد ويا هلا ومرحبا 💞💞☕☕☕☕☕💞💞
العضوة: 599358 , 5 years ago
لا بالعكس اساسا الامهات اللي بس عندهم بنات تعبانات نفسيا وربي يكون معاهم ويرحمهم من هالمجتمع المتخلف انا مااسمع كلام بعيدة عن كل اللي يخصني بس اشوف الشفقة بعيون الناس ويحسسوني انو ناقصه وانا مبسوطه ببناتي مجرد شوق لابني اتمنى ولد الحكي هون لما تجي وحدة وتحكي انو عندها اربع بنات وتكون في وحدة عندها بنتين وعرفت فيها بنوته ثالثه تزعل وتبكي وتفوت ع البرنامج تحكي وتشوف قصص وتشوف انو ام الاربع بنات والخمسه مبسوطات ومتشوقات ليشوفو البنوته هيك يتشجعو ومايسمعو هالتخلف اللي حولهم ويزعلو لدرجة كبيرة والله سبحانه رحيم بس شديد العقاب وامين حبيبتي ربي يرزق كل وحدة الذرية الصالحة وشكرا الك بس عنجد تعقدت من كل وحدة تجي تحكي شفيهم البنات وتصير تحكيلنا احاديث وآيات وماتعلم شو الظروف اللي تعاني منها هالبنت. نحنا صرنا بوقت مافي فرق بين البنت والولد بما انو مجتمعنا بدهم ولد على شان يكون سند لاهلو لان البنت ضعيفه والبنت ماعادت ضعيفة صارت اقوة من الشب واللي تحصله وتساويه الشب ماعاد قادر يسويه بهالايام هاي بالنسبه للناس اما الامهات انا متاكدة اذا يتمنو ولد مجرد شوق وفضول تشوف ابنها وتنوع بالعيله وماتزعل وتكره بنتها واللي تكره بناتها ماعرف شقول عنها ربي بهديهاالعضوة: 599358 , 5 years ago
وانا اقول ماخصك الموضوع لان ماراح تفهمنا الا اللي مثلنا وتحكي تجربتها انا شفت كتير بنات بيعانو من اهل زوجها ولا زوجها نفسو الله بكون بعونها فوق تعبها الجسدي والنفسي الضغط من اهلو ومنو وانا بس اشوف القصص هي اقول الف الحمدلله لان زوجي لما ابشرو ببنت يفرح ويفرحني معو ويهون عليا تعبي وربي يهدي كل ازواج الصبايا هون لان الزوج اكثر واحد يقويها ويضعفهاالعضوة: 599358 , 5 years ago
َبما انك عانيتي وموجوعه قبل من هالموضوع اسفه حبيبتي اعذريني فكرتك من اللي تجي تتفلسف وتعمل حالها لو جايبه عشر بنات ماتعمل مثلناالعضوة: 581573 , 5 years ago
اعتذر اذا فهم كلامي خطا بس انا ماحب اشوف المراءه ضعيفه لعيون المجتمع اذا الام صارت ضعيفه صاروا بناتها اضعف وصدقيني كل ام تحب تنوع الذريه والام تحب يكون عندها ولد بس الحمدالله حصل او ماحصل وانا والله جبت طاري ولدي بعد البنات الا بس علشان اقولكم مهو انجاز هو عطاء من اول واخر فقط واللهالعضوة: 599358 , 5 years ago
صحيح كلامك انا اتمنى الولد ولو اجيب ولد راح تكون فرحتي كبيرة بس اذا ماجبت ولد مستحيل ازعل على بنت راح تكون هيا سندي وهيا فرحتي وماحدا راح يحبني قد بنتي وازعل عليها لان الله بعثها لي انا برابع بنوته بكيت جبت ثلاث بنات وكل مااعرف معي بنت يطير عقلي من الفرحة بس الرابعه عنجد من قالت الدكتورة بنت خفت وتضايقت واول شغلا خوفتني مو لانها بنت بس لان راح ارجع احبل من اولدها ورجعت بيتي وصرت حاكي حالي انو ابكي لانها بنت مو الحمدلله ماعم ابكي انها معاقه ولا فيها شي ومو كامله الخلقه واستغفرت ربي بنفس الوقت وصليت ودعيت ربي يقدرني على تربايتهن تربايه صالحة وربي يهون علي ودعيت الله يسامحني لان بكيت واليوم حامل بالبنت الخامسه وبالرابع قالت احتمال بنت وعادي عندي فرحت ومع انو متوقعه انو ولد بس لما تاكدت انها بنت بشرت زوجي وطلعنا مبسوطين من عند الدكتورة الف الف الحمدلله نعمه من ربي اكرمني خمس اميرات بكرا يملو على البيت ويكونو صديقاتي مو بناتي لان مالي حدا انا غير اخت والماما وخلص اكتفيت بيهن لحتى ارجع اشتهي احبل مرة سادسه بعد مااكبر بناتي كلهم زغار وهذا الي زعلني ببنتي الرابعه لان كل سنه رح كون حامل والولاده والحمل مو سهل ابدا هالايامالعضوة: 604886 , 5 years ago
هلا وغلا ام الاميرات منوره ي عمري كيف حملك واميراتك فعلا معاكي حق بكل حرف وشعور الزعل بالبدايه كلنا حسيناه مو زعل من البنت لكن رغبه بنوع تاني والحمدلله ع عطايا ربنا لنا والله يكرمنا بما نتمنى ❤️العضوة: 599358 , 5 years ago
ياهلا فيكي حبيبتي 😘😍😍😍العضوة: 599358 , 5 years ago
الحمدلله بالف خير والله انا والامورات انتي كيفك وكيف بنوتاتك والحمل الايام ماعاد تمشي ابدا والله الثقل تعبني الشهر السابع صعععععبالعضوة: 599358 , 5 years ago
مين مثلي بالسابع وتعاني من قله النوم من بطنها والله غير وانا قاعدة مااقدر انام واحيانا انام واختنق اذا ماحطيت تحت راسي شي عاليالعضوة: 604886 , 5 years ago
الله يحفظهم دووم بخير ي رب اي والله التقل صعب جدا انا دخلت السابع اليوم ههههالعضوة: 604886 , 5 years ago
@user-599358 بنوتاتي ببوسو خدك بخير وسلامه وضعي متكركب شوي علشان السفر الحمدلله ع كل حالالعضوة: 599358 , 5 years ago
ليش بلشتي تجهزي للسفر قلتي بعد شهر ونصالعضوة: 599358 , 5 years ago
والله اشتقنا لسوريه ع قبال رجعتنا كلنا بإذن اللهالعضوة: 599358 , 5 years ago
عجبتني بنات وحبيت اشاركها معكمالعضوة: 604886 , 5 years ago
@user-599358 والله لسا ع امل تطلعلي اقامه واقدر ارجع بس مو بانيه بيت جديد وعم نفرشو اول باول ع الصور ومعاناه والله كلشي عم اختارو او بدي اياه ما بلاقيه وهكلانه هم سفري والبنات والاغراض والهدايا كلو والله يفرج