ابشركم الحمد لله ولدت

المواضيع

191010

6 years ago

حديثي الولادة

19 تعليقات

الحمد لله على التمام ابشركم رزقني الله عروسه واسميتها سُلاف 💞 اسأل الله ان يسهل لكل حامل ويرزق كل من يتمنى 💞

19 تعليقات

العضوة: 187652 , 6 years ago

الحمد لله على سلامتك ومبروك عليك البنوتة دعواتك أختي

العضوة: 275160 , 6 years ago

الْحٍمَدٍ للـّہ ع السلامه ومبروووك البنوته تربا بعزك يارب

العضوة: 56341 , 6 years ago

الف مبرووك وحمدلله ع سلامتكم متى اخر دوره كانت

بقولكم بعض التفاصيل إلى كنت اتمنى أقرأها من العضوات وانا حامل.. طبعاً جاتني الولاده وأنا باقي مادخلت التاسع وبما اني من جده قررت اروح لمستشفى الدكتورة هالة بلادن بما ان عندي تأمين.. طبعاً ماكنت اراجع عندهم بس فاجأتني الولاده ووقررت اروح له ماجا في بالي الا هو ورحت وسألت حقت الرسبشن تكفين انا ع وشك ولادة ابي دكتورة كويسة وخلوقه والله يسعدها ماقصرت قالت انصحك بالدكتورة سارة وحتى حنان كويسة بس ساره الحين متواجدة ادخلي وشوفي إذا ما ارتحتي بحولك ع غيرها.. لما دخلت عليها يسعدها تجنن خلوقه مره كأنها ام وكشفت قالت خلاص ولاده ودخلوني طواري وطلبت إبرة الظهر وانا متخوفة من كلام الناس بس هي اقنعتني انها عادي وكويسه وفعلا أخذت ابره الظهر وعطوني طلق صناعي وجلست ساعتين حولها وبديت احس بآلام إلى خلاص الدفع بس فرق لو بدون الإبرة كان الحين اصيح قالت ممكن اعطيك جرعه تخفف الألم أكثر بس الأفضل كذا تحسين وتدفعين بس لما يخرج الراس ما راح تحسين بس الطلق إلى تحسين فيه وفعلا ربع ساعة قالت خلاص ادفعي وطلعت سلافي للحياة💕 ويارب لك الحمد والشكر اسأل الله أن يقر عيني فيها ويقر أعينكم باطفالكم ومن تحبون 💕