العضوة: 422454 , 5 years ago

السلام عليكم بنات. مثل ما وعدتكم بكتب تجربتي لكم في مستشفى الحرس في الرياض بعد ولادتي 💕😭 ولدت السبت الماضي الحمدلله ولادة طبيعية بعد قيصرية دخلت الطواري الساعه 3 العصر الجمعة ، و جلست فيها لين الساعه 1 الليل من يوم السبت وبعدها رحت لغرفة التقييم و كنت اطلب ابرة مسكن في العضل وعطوني ابرة وبعدها ب 4 ساعات عطوني وحدة ثانيه و لما جاء الفجر ودوني لغرفة الولادة ( غرفة لحالي ) وعندي ممرضة مناوبة معي ، طلبت ابرة ظهر قالوا بس تصيرين 6 سم نعطيك واساسا لازم نعطيك اياها لانه اعتبرين بكرية لان اول ولادة لي كانت قيصرية ، ولما صار الوقت 9 صباح يوم السبت اخذت ابرة ظهر و كانوا مررره صبورين علي وماتعجلوا علي بالقيصرية ابداً مع انه كانت تنزل علي مويات الجنين بس الحمدلله ربي يسرها، وبس صار العصر صار الطلق قوي وجتني القابلة سعودية نفسها حلووووه الله يسعدها و بس يجي طلق ادفع يمكن ساعتين وانا ادفع وبس طلع الراس سوت توسعة وطلع البيبي بفضل من الله وحده . بعدها رحت لغرفتي معي 3 امهات والحمدلله انه الزياره ممنوعه كان هدوء والوحده تنام على راحتها ، جابوا البيبي لي في الغرفة بعد 6 ساعات تقريباً. اغراضي دخلتها معي لانه اول ما جيتهم ماكان فيه زحمة في الطواري يمكن انا ومعي 3 حالات بس . سووا لي فحص كورونا ما يوجع ابداً بس تحسين بشيء يقرص ، ولدت السبت العصر وطلعت الاحد الظهر.

العضوة: 453674 , 5 years ago

لو سمحتي ابرة الظهر متى اطلبها؟ وغير كذا عادي زوجي يدخل معي وقت الولاده؟

العضوة: 422454 , 5 years ago

@user-453674 انا طلبتها من اول ما دخلت غرفة الطواري وكل ماجاني دكتور قلت له اشغلتهم 😅.. قبل كورونا كان مسموح يدخل معك احد ، بس بسبب كورونا ممنووووع ، اخوي بس وصلني لباب المستشفى ورجعوه ما خلوه يدخل المبنى بكبره و مره حريصين على لبس الكامامات انا ما ينقلوني من عرفة لغرفه الا البس كمام

العضوة: 337931 , 5 years ago

الحمدلله ع سلامتك و مبروك

العضوة: 682948 , 5 years ago

طيب انا عندي سوال مستشفى الشميسي بالرياض يعطون ابره الظهر ولالا

العضوة: 708382 , 5 years ago

الولاده حظ ونصيب سبحان الله وحده من جماعتنا توفت قبل اسبوعين بسبب خطأ طبي في الحرس الوطني نسو المشيمه فيها وارتفعت الحراره عندها وسببت لها التهاب وتسمم في الدم وتوفت عندها بنتين وتوها والده الثالثه ولكن ولكن قدر ومكتوب سبحان الله انا في الخامس ورح اولد عندهم رغم خايفه لكن وش اسوي الله يسهل علي ويسهل على الجميع زي مافيه عيوب فيه ايجابيات المستشفى ❤️

العضوة: 283807 , 5 years ago

@user-708382 المشيمه بكبرها نسوهااا ؟؟؟؟ طيب كيف ما نبهت عليهم اكيد والده قبل و تعرف الله يرحمها و شهيده بأذن الله صراحه خوفتيني الله يتمم على جميع الحوامل بخير

العضوة: 422454 , 5 years ago

@user-708382 الله يرحمها ويرأف بحال اطفالها! سبحان الله مكتوب ومقدر . توكلي على الله وادعي ربك يسخر لك الطاقم الطبي وتجنبي الافكار السلبيه انتي على وجه ولادة اهتمي بنفسيتك ياقلبي وان شاء الله خير💕💕

العضوة: 422454 , 5 years ago

@user-337931 الله يسلمك

العضوة: 708382 , 5 years ago

المشيمه نسوها ايه وتوفت بعد اربع ساعات من الولاده التفاصيل عاد مدري لسى اهلها مصدومين وكلنا مصدومين ماحد يسال لكن هذا اللي صار والله امين يارب

العضوة: 636154 , 5 years ago

@user-682948 لا

العضوة: 682948 , 5 years ago

خساره مشكوره على الرد

العضوة: 757005 , 5 years ago

السلام عليكم الف مبروك ومبروك ما جاءك اختي اخر دوره متي كانت

العضوة: 422454 , 5 years ago

@user-757005 انا ؟ كانت 27 نوفمبر

العضوة: 742070 , 5 years ago

نفسي اولد فيها بابا وعدني يدورلي واسطة وان شاءالله تتسهل العسكري عندنا مرة فخمة وتجنن واهتمام