رجعت عدلت البوست تالت مرة ابني عمل عملية التنفس ونجحت ولله الحمد بس رح يرافقو أنبوب يضل برقبتو ست شهور حتى يتاكدو انو نفسو صار تمام بشيلوه عمل عملية التنفس يلي اسما Tracheostomy وهي فتحة صغيرة برقبة يحطو فيا أنبوب وبحطوه ع جهاز اوكسجين صناعي وبعدها بشيلو جهاز الأوكسجين بس بضل هل أنبوب فترة طبعا سلبيات تبعو انو بيروح صوت البيبي حتى ينشال الأنبوب بيرجع ابني صرلو بالمشفى ٤٤ يوم وأسبوع جاي رح خرجوا باذن الله هو منيح والكيس يلي كان برقبتو طلع كيس مي وسليم ولله الحمد هلق حاليا لازم اعرف كيف اتعامل معو بوجود هل أنبوب وكيف نظفو ادعولي الله يعطيني القوة انا ولدت وابني اجا فيه كيس وعمل عملية وقت كان عمرو اربع ايام هلق صارلو بالمشفى 15 يوم ما حطيتو بحضني ولا مرة عندو مشكلة بتنفس بسبب الكيس مسبب عدم إكتمال الفك السفلي من داخل الفم ومسبب ديق تنفس قالو انو بصير بس يكبر الفك بس التنفس بدو عملية ورح يعملوا اسبوع جاي مشان يقدر يتنفس بلا جهاز الأوكسجين ادعولي الو😔💔 ادعولي الله يشفيه وحطو بحضني كل يوم بروح بشوفو بوقت زيارة نص ساعة بس والبي بيحترق عليه😔حسبي الله ونعم الوكيل سألتكم بالله انتو تدعولي انا نشرت قصتي من فترة وقلتلكم انو الجنين يلي ببطني مريض اكتشفو كيس برقبتو بشهر سابع والطفل بدو عملية بعد لولادة وممكن تأثر عليه وممكن لا حسب الله شو كاتبلو بس اخر مرة رحت فياع دكتور قلي بدك تجهزي نفسيتك لكل شي منيح أو مو منيح وممكن يكون في اشياء تانية ما ظاهرة عنا بالايكو تظهر بس تولدي وممكن الطفل يحتاج عمليات كتير وما يتحمل ويموت يشهد الله علي هل ايام ما بتمناها لحدا يلي عم مر فيا نفسيتي تعبانة الديارة ما فتحتا خليتا مضبوبة بشنتا لان كل ما عم شوفا عم ابكي اوانا حاليا بشهر تاسع اسبوع جاي حددولي العملية بس خايفة كتير مو علي ع ابني خايفة من ردة فعلي اني شوفو مريض وطفل ما عمرو شي بدو يتحمل عمليات زوجي بقلي ادعي الله اذا مريض وبدو يتعذب الله يتلطف فيه ويرحمو بس انا ما بقدر قول هيك ما بقدر فكر حتى انو رح يموت أو انو رح يجي مريض والله داقت فيني الدنيا سألتكم بالله عز وجل انكم تدعولنا انا وابني ادعولي الله يجبر بخاطري الله يكملا معي الله يرجع لفرح لقلبي حسبي الله ونعم الوكيل