السلام عليكم بنات حابه اطرح مشكلتي واريد حل اعرف هون برنامج للحمل بس انتم بنات واخواتي ان شالله ومااكدر احكي لغيركم وحنه ستات نفهم على بعض عندي خالتي اخت امي احبه كثير وهيه تحبني واني وياهه اكثرمن صديقات المشكله هيه ماتحب بيت خالي يعني بيت اخوهه مو على صلح لامع بناته ولامع زوجته بت خالي صديقتي ومقربه اليه هواي ودامن نتواصل بس كنت اضم هاذا الشي من خالتي لين اذاعرفت تنزعج مني ودامن تسالني اكلهه لامااحجي وياهه لين ماحابه اخسر الجهتين شاء القدر وخالتي حبيبتي توفت قبل فتره الله يرحمهه وماتت وهيه متحجي ويه اخوهه وبناته وزوجته بت خالي بقت على تواصل وياي بس اني ماعرف ليش احس بذنب ماعرف خالتي يوميه تجيني بلحلم كل يوم حبيبتي مافاركتني قبل كم يوم اتصلت عليه زوجت خالي واني نحرجت وجاوبتهه بس انقهرت بداخلي ماعرف ليش وكنت خايفه يعني احساس لايوصف اتخايل خالتي تباوع ليه وبنفس اليوم تحلمت اني شايفه خالتي وجيت اسالم عليهه بس كانت زعلانه وحته مابتسمت بوجهي ونزلت بست رجليهه حته تسامحني واكلهه نحرجت وماسامحتني بنات ساعدوني شسوي اقطع علاقتي بيت خالي بس استحي همه يحبوني هواي ويتواصلون وياي اني الوحيده ماكدر فجاه اقطع علاقتي بيهم وبنفس الوقت احس خالتي ماراضيه عليه واني خالتي حيل عزيزه عندي دموعي مانشفو عليه ولحدهاذاليوم لابسه الاسود اسفه على الاطاله بس ماعرف شسوي