ان لم تكن معي فأنت ضدي!! مبدأ ماشي عليه ٣ أرباع الكره الارضيه للأسف وما بيعترفو بشي اسمو اختلاف بوجهات النظر اذا اختلفتي مع صديقتك اختك اخوكي زوجك او اي شخص بموضوع ورجعتي تاني يوم اكتشفتي انو هالشخص هاد زعلان من وجهة نظرك لانها عكس وجهة نظرو تماما وعم يحكي معك بجلفه انتي رح تستغربي السبب وهوي رح يستغرب وقاحتك وعدم اكتراثك للزعل 🤣 بالرغم من انو الاختلاف لا يفسد للود قضيه والامام الشافعي بعلمو ومعرفتو قال كلامي صواب يحتمل الخطأ وكلام خصمي خطأ يحتمل الصواب ورغم هيك بستغرب الاصرار العجيب عند البعض على إنو انا الصح وانت الغلط ولا مجال للنقاش متعصب جدا لرأيو اللي بدي اوصلو من هالحديث كلو انو يا ريت يكون في احترام لوجهات النظر حتى وقت النقاش اللي بتشوفو انت صح مو شرط غيرك يشوفو صح وسؤالي هل انتي من الاشخاص اللي اذا حدا خالفك الرأي بتزعلي وليش وكيف بتفسري الامر او عادي عندك بتتقبلي بكل رحابه صدر بالنسبه الي اذا اختلفت مع شخص بقول رأيي لكن اغلب الوقت بنفهم انو انا ما بحب هاد الشخص وبيزعل او بيتهمني بإني اسأت الو لكن بالواقع انا ما تغير فيني شي ومشاعري وقت النقاش تاركتا ع جنب مالا علاقه بالحب والكره انا فقط اختلفت بالرأي 🌚 شاركونا ماميز وحوامل بالموضوع ❤️