اليوم اول يوم بشهر التاسع شعور حلو انو رحلت الحمل صارت عند اخرها وانو قربت اشوف بنتي حبيبتي مبسوطه وخايفه ومعجوقه وكلشي مع بعضو المشاعر مختلطه ببعضها هاد اول حمل الي وكان شي متعب و وحامي كان صعب جدا وجسمي تعب وتغير كلشي فيني بس الحمد لله الاشي الي خلاني مرتاحه هوه ماما انا قضيت حملي عند اهلي لانو جوزي مسافر يعني لو ما كنت عندهم ما بعرف كيف كنت رح ادبر اموري وماما ما قصرت معي بشي ساعدتني وخلتني مرتاحه الحمل تجربه غريبه حلوه ومتعبه بنفس الوقت احلا لحضات فيو : اول ما عرفت اني حامل ما كنت بعرف ولمى عرفت انبسطت وبكيت من الفرحه واول مره سمعت فيها نبض الجنين كان شعور حلو قلب صغير بدق جواتي عند اشي حلو كتير ولمى بديت احس بحركتها جواتي اشي جدا رائع وبجنن ولليوم كل مرا بتتحرك بنبسط وبراقب حركاتها الي بتجنن وتجهيزات البيبي من ملابس واستقبال كل لحضة بالحمل بتجنن والحمد لله حسيت الحمل مرق بسرعه وهيني صرت بشهري ما ضل الا القليل وان شاء الله رح انزل صور الملابس والاستقبال بس اخلصهم عالاخر بالنسبه لاصعب شي بالحمل كان : الوحام الشهر التاني والتالت ولنص الرابع حياتي كانت كابوس استفراغ ودوخه وتعب ما كنت اتهنى لا باكل ولا بشرب ولا بنومه ولا شي ولمى خلصت منو بلشت شوي شوي اصحصح وبعدها فتت بالخامس والسادس كانو عاديين بس بلشت التقل وتورمت رجلي احذيتي بطلت تيجي علي ولا اي شي المشي صار صعب علي وكل ما زادت الايام كان يطلع شي جديد ديق بالنفس نصحت كتير وطلعلي تشققات ع فخدت الاجر بس مع هيك بمشي كل يوم ورح اضل امشي لحد ما خلص اولد هاد الحكي الطوييل كتير كان تجربتي بالحمل ومشاعري الي حسيت فيها حبيت اشاركها معكم الحمد لله ع نعمة الحمل ان شاء الله ربي يسهل ولادتنا ويقومنا بالف سلامه ويحمي الروح الي ساكنه جواتنا ويجعلها سليمه معافاة اللهم امين يا رب بالنهاية بحكي انو كتير مبسوطه انو رح اصير ام قريبا جدا وحياتي رح تصير احلا و الها معنى اكبر ❤️❤️❤️