يسعدكم بنات اعطوني رأيكم انا أم لأربع أطفال الحمدلله الله يحميهم و يحمي أطفالكم و يرزق كل مشتهي الذرية الصالحة القصة و ما فيها انا حاليا ابني الصغير عمرو خمس شهور و حاطة مانع حمل اللولب عندي خوات كل ما تيجي سيرة حمل ولادة بحكيلهم البطن الجاي إن شاء الله أو لما اشيل اللولب بسيرو يحكو علي انو ليش و يكفيكي خلفة وانتي متخلفة و من هالحكي إلي مالو داعي بحكيلهم انا وزوجي بنحب الأطفال وانا نفسي يكون عندي اطفال كتير بس هالفترة حابة أنظم بيناتهم مشان ما اظلمهم ولا أظلم حالي و هاد الشي حرية شخصية ازا انتو مو حابين تخلفوا كتير شي برجعلكم ما بسير افرض رأيي عليكم ولا تفرضو رأيكم علي يلي مدايقني اني كل مرة بسمع كلام شكل و مليت كتير من هالكلام شو رأيكم انا فيي شي غلط علما اني الحمدلله اموري تمام وقايمة بواجبات اطفالي وزوجي وبيتي بفضل الله