العضوة: 174744 , 5 years ago

@user-143800 العامه اصلا تشبح امتا تفتح وشني وضعهم

العضوة: 174744 , 5 years ago

@user-260309 كان ساعتين وسعرها مش غالي حطيه يلعب ويتعرف على صغار ومش ضروري يقرا قرية انت او حطيه عند ابلة طبعا لو اسعار مناسبة اما كان غالي ما تقدريش تحطي في زوز

العضوة: 143800 , 5 years ago

اي الله اعلم امتى

العضوة: 260309 , 5 years ago

حتى اني قولت هكي لكن حوشي مثلج هلبه حتى دفايه مايدفيش كويس روشن يخش في ريح ..واصغاري بدو ينوضو فيا كل شويه وخاصه بنتي أكثر وحده مانبيش تطلع من دار نخاف عليها مصقع حوش

العضوة: 260309 , 5 years ago

ساعتين قرايه مايبوش يخلطو صغار خايفين ع كورونا وعدد معينه مدايرين ..كل عدد معينه مجموعه بروحه ...سنه جاي صف اول ضروري يميز بين حروف هاذي الاساسي

العضوة: 174744 , 5 years ago

@user-143800 مروان جابهالنا من خوه قلتله هذه زكمه هكي تخايلها كورونا وخوك ما يبيش يرد باله قلتله ونبي فكني منهم قالي توا امال معاش نطلعوها قلتله بنحبسوها في حوش قالي نطلعو بالسياره قلتله هما حتى لما بنطلعو يجونا وكان حد بيبوسها شني بتقوله لا والله قصه يخلوك على اعصابك

العضوة: 174744 , 5 years ago

@user-260309 مش باهي هكي مرات يجيهم مسالك وتبول لا ارادي حاولي تسكري الروشن بلصقه او اي لقطه باش ما يخشش الهواء ان شاء الله الشتي الجاي في حوشك وكل شي منظم ومرتب وامورك احسن ما يكون

العضوة: 260309 , 5 years ago

هاذي مشكله يجوك ويسلمو ع بنتك وتقعدي ع اعصابك ..

العضوة: 260309 , 5 years ago

غيرت دار هاذي وحيده دار دافي ومافيش ولا ريح يخش واصغاري مش متعودين عليها دار هاذي لكن يقولو دار دافي ..حتى راجلي قالي بنرقد في دار هاذي معاش نقدر نرقدو في دار نوم مثلج تقول دار فريز ..قولتله ماينفعش بنرقدو دار المعيشه وخلاص ما نبيش يتعودو .. ان شاء الله ياربي

العضوة: 174744 , 5 years ago

@user-260309 اي ضروري يكون قاري قبل صف اول ويعرف الحروف والارقام لكن نحس فيها صعبة مهما حاولو يبعدو الصغار على بعض مش حيقدرو

العضوة: 143800 , 5 years ago

يااا علييييك قصه تصدقي الاستهتار يستفز فيا وخاصة في مواضيع زي المرض كورونا مش سااهله ربي يبعد عليكم وعلينا جميييعا بس لازم ما اديري حل مش معقوله هكي تقعدي ع اعصابك. قوليله يمشي ويقوله خديت منك البرده ونقلت العدوى لامال وايه وتخيلي بعيييد عليكم كورونا اللي هذا يحطاط ع خاطر الصغار واللي ما يبي يرد باله يخطانا هكي والله

العضوة: 143800 , 5 years ago

اي محاااال صغااار ما يفهموش قداش الموضوع خطير ومهما تقولي ونوصي حينسو مجرد ما يلقوا صغار ولعب

العضوة: 143800 , 5 years ago

انت خلي يتعودوا ع المكان وحطي دفايه ف دارك اني معلقتها ف الحيط اريحلي من وسواس صغار

العضوة: 174744 , 5 years ago

@user-143800 اي قلتله هدا درس تتعلمه انت تخوك هو مضايق انها خدتها منه ويقولي كله مني انا بنتي مرضت قلتله احطاط وكلمهم يحطاطو انا ما عنديش استعداد ننحبس في حوش وحتى لو حبست روحي لما يجو شني نلزهم؟!

العضوة: 260309 , 5 years ago

هاذي هيا اني نبي ولدي يقرا كويس وسيوره يلعب مع اصغار.. عزام عند واسواس في قصه كورونا مستحيله يسلم ع حد وكان حد شد يسلم يقعد يشبحلي طلعيلي ديتول ..قالي والله ماني ماشي نقرأ مدرسه كورونا صافي تبوني نموت وتفكو مني شكلكم ..قولت بنحط عند ابله كويسه وفي عدد اصغار نتكلمه يخلي يخالط اصغار ومنها يتسفيد قريه يلقه سنه اوله يكون عارف