العضوة: 174744 , 5 years ago

@user-143800 اي الحمد لله كملتها اليوم حولت فراش السرير وكنست تحته ونفضت البساطات

العضوة: 143800 , 5 years ago

عطيك الصحه ياا رب

العضوة: 174744 , 5 years ago

@user-143800 توا غير تطلع مني الزكمه نكمل باقي الحوش مزالي مخزن وحمام داري ودار امال ومطبخ

العضوة: 260309 , 5 years ago

زعمه نقدر ندير اليوم الأحد أوراق متاع رب الاسره قعده مادرتش

العضوة: 174744 , 5 years ago

@user-260309 اي اكيد عادي تقدري اديريهم

العضوة: 260309 , 5 years ago

صحيتي ..ع معلومه سالت راجلي قالي احتمال تسعه شهور

العضوة: 143800 , 5 years ago

ان شااء الله بشوي عليك كل يوم جهه تو يتم

العضوة: 143800 , 5 years ago

باه الحمد لله ما طلعوش عيوني يتخايلوا اني حتى خممت شن منشري ههههه والله غير يصير منهم والله متامله عليهم واخيرا بيصير من تلاجه والغاز والكوشه

العضوة: 174744 , 5 years ago

@user-143800 ان شاء الله ينزلو 9 شهور وديري كل اللي في خاطرك انا نبي ندير بيهم دار امال ضروري تبي دولاب وبساط ونكمل الستار والشهر هدا مرت الكاش بندير بيه الرف ومروان سنه تبي خدمه وكرتب الدوله قالو بينزلو 11 و 12

العضوة: 174744 , 5 years ago

@user-143800 انا قبل كنت نتبع في عمي الهادي كنت نعرف الاخبار اول باول قداش ليا ما تفرجتش عليه

العضوة: 143800 , 5 years ago

شن اديروا اني رقدت شويه ونضت ع عياط طه اليوم ككا بس شادها

العضوة: 174744 , 5 years ago

راسي صداع وعيوني معاش قاااادره وامال توا كيف رقدت مسكينه ما كلتش مشي مروان لماليه مبكري قال لخوه برده انا خديتها منك وامال وامها خدوها مني الزوز مرضه قاله معقوله قاله اي انا خشيت لدارك وخديت منك دخان وتاني يوم مرضت خاف سلفي مشي عاين قاله الدكتور برده على صدرك قاله حتى خوي زي قاله خلاص انت عطيتهاله قلتله في جرت اهمالكم وفي جرت الدخان قريب ضيعتونا تخيل كورونا مش برده والله ما نسامحه

العضوة: 143800 , 5 years ago

ياااا رب وان شاء الله حتى انت تاخدي بيهم شن تبي ونغيروا النفسيه شووي يااا رب اي قالوا شهرين الحمد لله والله في في هلبا ناقصنا. قتله ما نبيش لين نقعد عجوز 👵🏻 باش نكمل حوشي

العضوة: 174744 , 5 years ago

@user-143800 سلامته غزالي خيره والله يسخفو انا امال قطعتلي قلبي غير ما نبيش نزيد مروان عطيته محاضره باهيه تعطس وخشوم يسكسكو وما كلتش وما رقدتش كويس قيلولتها وتوا ما رقدتش لين طلعت روحي

العضوة: 143800 , 5 years ago

اي الحمد لله لاقدررر الله وبعيد عنكم يااا رب