العضوة: 174744 , 5 years ago

@user-260309 صحتين وعوافي صحة فطورك

العضوة: 174744 , 5 years ago

انا كيف طلعت البسبوسه من كوشه

العضوة: 260309 , 5 years ago

سلمك حبيبتي ..اليوم تعبت الحق ..الحمد الله مازالي اليوم واحد بس..اليوم الاثنين باذن الله..جي راجلي بش حطيت شربه ومعندنوس

العضوة: 260309 , 5 years ago

صحتين ع قلبك..توا غدوا نقول راجلي يجيب سميدنه بندير بسبوسه..ليا فتره معاش درته..

العضوة: 174744 , 5 years ago

@user-260309 ربي يتقبل منك انا مزال 8 ايام حلوه البسبوسه نحبها انا

العضوة: 260309 , 5 years ago

اجمعين..باهي مش هلبه مازالك..اني جت فيها نيه واهم حاجه ميكونش هلبه عسل

العضوة: 174744 , 5 years ago

@user-260309 انا نحبها متوسطه مش هلبا ومش شويه عسل ندير قي بيتزا 🤦🏻‍♀️🤦🏻‍♀️ جابلي فقاع طازه وقالي خاطري في بيتزا ما بيتش نكسر بخاطره وخاصه اني ما طيبتش غدي

العضوة: 174744 , 5 years ago

@user-260309 جت حماتي مبكري وزعها راجلي وقالي بعدين تبي نمشو ناكلو بسبوسه ونديرو شاهي معاهم قلتله لا معاش نبي نخش حوشهم ومعاش نبيها تجيني وانت مش في الحوش مش حنفتحلهم الباب وانت قاعد انت تفتح الباب ووزعها زي اليوم انا معاش نبي حد ينغص عليا حياتي تحسد فيا على شنو لا نمكيج لا نلبس مليح تحت عيوني اسود ضروفي عالم ربي بيها ماليا مقاطعيني في شني حالي خير من حالها

العضوة: 260309 , 5 years ago

اني مهم مش معبيه ومش شويه في نص .. ربي يعطيك الصحه ان شاء الله..صحتين ع قلبك ..عندك الحق ما عنده وين بيمشي إلا انتي وانتي نفس شي ماعندك إلا راجلك ..ربي يخليكم لبعض ان شاء الله..حتى مكرونه بفقاع طازجه تهبل

العضوة: 260309 , 5 years ago

خير بلاها ..لالا هاذي مش طبيعيه من لاخير .. لا حبيبتي ماتقوليش ع شني..هيا حساده تشوفك مرتاحه مع راجلك..وهاذي اكبر دليل هيا مطلقه وتشوفك كيف داب ذاب راجلك ..صدقيني ..انتي تحلمي في ليل صحراء أو غابه أو حيوانات أو حاجه عاليه معناها سحر ..اني قالي شيخ

العضوة: 174744 , 5 years ago

@user-260309 نحلم يومها بعنكبوته كحله كبيره في السقف فوق راسي وجي راجل بيحولها وانا بنهرب بنطلع من دار نقزت عليا نضت مخلوعه انا من قبل نحلم هلبااااا ولما جانا الشيخ معاش حلمت لكن من مره جتني اول كورونا وكان راجلي شاري قضيه لينا وليهم غدائية وخضره منها بدي وضعي مش طبيعي نقعد فتره بعدين نولي كويسه بعدين تجي تاني نولي مش طبيعيه وهكدا وتوا اخر لما درت باح الشام ولما درت البسبوسه

العضوة: 174744 , 5 years ago

@user-260309 احلامي مش مفهومه وكلها اكشن وتوتر انوض منها تاعبه وكان كنت فعلا في الحلم هي من لما جبت امال حالها تغير قبل كنت نلبس ونمكيج وديما صنتي فايحه كانت تجيني تلقاني في ابها حله وما كانتش تاخد فيا بالعين ولا تصيرلي حاجه اما توا تغيرت ونحس فيها تجيني غير باش تشوف احوالي غير وتبدا جيتها مش طبيعيه ونظرتها مش طبيعيه طول ينهبني قلبي اليوم جايه باش تعطينا 3 ليمات 😶 ويومها جتني في الصبح وهي في العاده ما تجيش الصبح قلت لراجلي في الجديد ديما نق وقول ما عنديش وقوول انك مضايق وجوك اخي وتخمم باش ترتاح

العضوة: 174744 , 5 years ago

@user-260309 وحرام عليا مرات تجي وتحسيها تخمم لاهيه عقلها مش معاها تهدرز تهدرز وتروح وما يصيرلي شي قالي هي تاخد بالعين من غير قصد قلتله لا بقصد لان بعد ما تجي وتحسدني تغيب معاش تجي قلتله زي لما جتني وانت شاري قضيه هذه واضحه جت 10 دقايق وروحت ووجها مقلوب

العضوة: 260309 , 5 years ago

هيا اكيده وقت متضايقه تفكر قعده ماغير راجل وحساتك..ديمه لما تجيك و بعد ما تروح منك اقري أذكار واقري السوره واشربي اميه القرآن..ولو بتمشي حوش عمك تكون قبلها انتي وبنتك إذكار واشربو اميه ..وبخرو القسط الهندي..هيا ماتاخذش ربع ساعه ..

العضوة: 260309 , 5 years ago

معاش تبينو روحكم مرتاحين انتي وراجلك ..خليكم جافين شويه .. حبيبتي ..هيا تلقيها نظره قويه وتبدأ تحرب في نفسها كيف انتي صغيره ومتحمله مسؤوليه اكبر من عمرك ربي يحفظك وكيف واقفه ع بنتك وراجلك ..واستغرب وقت ظروف صعبه ساكته تبي مشاكل هيا من لاخير..وكملي كيف مدلعين روحكم مره تلقكم مدايره بسبوسة ومره بلح الشام وكل مره حاجه صدقيني حسد وغيره والعين هاذي فيها هيا لان مطلقه .. خليني منها نعرف هيا تحسب لما تحصل قضيه و تفكر فيكم..هاذي يجي فترات حنونه تصرفات على حسن نيه ..ويجي فترات واضحه بتموت من غيره هكي يخليك.. والله اني حماتي هكي لما تكلمني أو نكلمها طول نمرض مقبوضه قلبي ونفسيتي مقلوبه تبي فتره بش نرجع طبيعيه..ولو قعدت نفس الحوش كارثه ..غيره وحسد هلبه هلبه علاش لان مطلقه وهيا تبي كل شي ليها ماتبيش خوته يكلمو في نساوين .. وتشوف روحها كبيره وحيده تبي ميني يهتم بيها ويدلعها..هاذا علاش غيره وحسد والعين ليها دور ..