العضوة: 143800 , 5 years ago

تعرفوا بديت نضايق من بنت سلفي وامها من طبعهم 24\24يلوموا بلا قدو يكسروا الرقبه جتني خيرك ما جيتيش خيرك ما رديتيش ع المكالمه خيرك حتى ف النت ما رديتيش استغفر الله .. رديت عليها زي المجنونه وهي عارفتني عند اهلي جو الزباله اللي ادير فيه قلتلها انتي درتي رنه ورصيد ما عندي وشفتها وما عندي ما نديرلك . والنت ما فتحتاش من اصله . قلتلها وصلاتك اني مستلمه قالتلي لا . قلتلها امالا شن تلومي وخلاص تعصبي فيا بحركات هذه تكسرلي ف رقبتي تو لو فتحت واستلمت عندك حق .. او عندي وما رديت وتعرفني لما يبدا عندي رصيد . ما نحبش مني يلوم بكل وما يلتمسش عذر هي واخده طبع امها ادره ف الكبد ماشيه بكان ما نبيك ما انلوم .. قلتلعا تبي تعصبيني لوميني ف جديد ..

العضوة: 143800 , 5 years ago

حسيتها زعلت مني . لأني انحرق دمي منهم برسمي بصراحه ما نحبش من يتعدى حدوده شكلها ما توقعتش ردي وطريقتي ... اني ما نحبش جو الاستعباط . باش معش تعاودلي هي وامها حركات الغبيه ..

العضوة: 174744 , 5 years ago

@user-143800 تزعل والا تملح انت مش مجبورة تتحملي طبع ما تحبيشي لما تجيك والا تكلمك مره تانيه كلميها عادي حسيتيها حرجانه هي حره توا ترضى بروحها

العضوة: 174744 , 5 years ago

@user-143800 هما تلقيهم اكيد فاضين ما عندهم ما يصنعو هدا علاش

العضوة: 174744 , 5 years ago

مشيت خديت كيكات من زهرة المداين روووعه طعمتهم جربوهم مره تانيه

العضوة: 260309 , 5 years ago

اهلين يا حلوين شنو جوكم

العضوة: 260309 , 5 years ago

صحتين ع قلبك مهم غيرتي جوك

العضوة: 260309 , 5 years ago

@user-143800 خليها تزعل هما فاضين هكي صنعتهم ..شكلك رقدتي ولا شنو

العضوة: 260309 , 5 years ago

@user-174744 كيف حالك توا شنو حسيتي روحك ..باهي غيرتي جوك

العضوة: 260309 , 5 years ago

اني اليوم خال بابا توفى ..خوه اميمه يسكن جنبنا بزبط مهم سمعنا عياط واني الحق قبل مانبيش نمشي خايفه من كورونا من لاخير قعدو يقولوني عيب و و و ..نحيت سبله ..اول ما سمعت عياط طول لبست عبايتي وزوز كمامات وقوانطي مشيت اني وعمتي لقيت فاضيه عزيتهم قعدت خمسه دقايق بزبط اني طلعت وخليته عمتي وامي قولت قبل مايخشو قرايبهم من قماطه ومن ترهونة نخاف منهم كورونا ..روحت ركبني الواسوس غسلت وجهي ولوحت كمامه وقوانظي اسود ع اساس نلبس مع عبايه خفت منهم 😄😄

العضوة: 174744 , 5 years ago

@user-260309 اي باهي الحمد لله غيرت جو وروحت عشيت امال ورقدتها وقرية البقره ورقيت الميه دوشت بيها وشربت منها ودرت الزيت والميه باهي الحمد لله نحس في روحي احسن ان شاء الله نستمر على البقره وكل يوم احسن من يوم

العضوة: 174744 , 5 years ago

@user-260309 باهي المهم درتي الواجب وارتحتي باذن الله ما يصيبكم مكروه

العضوة: 260309 , 5 years ago

باهي الحمد الله ان شاء الله اليوم احسن من اليوم ..خليك يوميا معاش توقفيها

العضوة: 260309 , 5 years ago

امين ..درت يلي عليا ..هما من نوعهم مايعدلوش يلودو ف كل مكان مهم درت يلي عليا وخلاص معاش نبي نمشي تاني

العضوة: 174744 , 5 years ago

@user-260309 مزال الناس مش معدله ومش مقتنعه بكورونا ربي يهدي شني جو صغارك رقدو؟!