العضوة: 143800 , 5 years ago

بالك مدوشه او صقعتي امبارح او ضغط قيسيه والله ربي يعينك بصراحه ممل كل يوم انوضوا ع نفس روتين الحوش والصغار

العضوة: 260309 , 5 years ago

انتي ماتحطيش في بالك ..وهيا مرات صح لما تشوفي تتعبي من عند ربي ..فالهذا ماتحطيش في راسك حاولي لاهي روحك بحاجه

العضوة: 143800 , 5 years ago

اسمعي جربي اتجاهلي الموضوع ومعش نركزي ع اللي يصير هو من اصله حتى الشيطان الله يبعده ويخزيه يلعب دووره يزيد لما يلقاك انت هكي فهمتي

العضوة: 174744 , 5 years ago

@user-260309 والله خليت روحي عاديه لكن قلبي بيوقف نحس في غمه نحس فيه رزين كان بلوكه فوقه

العضوة: 174744 , 5 years ago

@user-143800 اي حتى انا هكي نقول ونقوي في روحي ولما جت عاملتها عادي وجوي حلو لكن لما شفتها قلبي نخصني وانا اصلا معاش متقبلتها معاش متقبله حتى نشوفلها

العضوة: 260309 , 5 years ago

لا والله مش مدوشه ولا شي.. الحمد لله على كل حال ..والله الحق روتين ممل

العضوة: 260309 , 5 years ago

يصير شي هاذي من عند ربي لما تشوفي تمرضي ..معاش تطلعي جنان خلي راجلك يطلع بنتك في الجنان شويه ويدخلها وخلاص..

العضوة: 143800 , 5 years ago

لالا حاولي تحاربي رووحك مشكله بتقعدي كل ما تنوضي وتشوفيها تحبطي روحك وتنكدي وجو الحوش ينتكس . انت لأنك معش طايقتيها هذا ليش يصير هكي فيك .. بتأقلمي روحك ع شوفتها واقري ف قلبك اول ما تعرفيها بتجيكم وخليك فري

العضوة: 143800 , 5 years ago

وقل لن يصيبنا الا ما كتب الله لنا ديما خليك قوويه بربي وانه معاك وان ما يقدر حد يديرلك حاجه طالما تذكري ف ربي وقريبه منه انت خليك زي توا مهما تعبتي حاربي انت ...

العضوة: 143800 , 5 years ago

نستأذنكم مندير الغدي . سلامات وردوا بالكم ع ارواحكم. @user-260309 امشي قيسي ضغطك واشربي عطر كويس اينزل وحاولي ترقديهم ف القايله وريحي راسك شوي . @user-174744 هونيها عليك تهوون ومعش تقولي ل راجلك شن تحسي باش ما بتعبش حتى هو والله نصيحتي وانت من توا ديري تجاهل ع اللي صاار كله ومهما يصير باش تطلعي من هالمتاهه .

العضوة: 174744 , 5 years ago

@user-143800 هو هدا اللي ندير فيه نتجاهل ونلهي في روحي ونشغل في وقتي لكن احيانا ينفع ومرات لا وراجلي ما نقولاش على شي بالعكس نضحك فوق من قلبي ونغيرله في جوه نلقاه هو متنكد وتاعب نزيد ننخنق

العضوة: 260309 , 5 years ago

اي لازم تحاول تحارب روحك لان جنبكم ماعندك كيف تهربي منها..ضروري قوي روحك وخليك ايمانك قوي..وشدي ع القرآن وأذكار واميه القرآن..لو تقدري كيف يحصل شيخ اسالو سؤال هاذي توا يقولك شني ديري

العضوة: 260309 , 5 years ago

اذنك معاك حبيبتي في حفظه الله..ربي يعطيك الصحه ان شاء الله..

العضوة: 174744 , 5 years ago

@user-260309 سالنا شيخ قبل قالي ديما ارقو واقرو ادكار واقرو سورة البقره ما فيش حل تاني

العضوة: 260309 , 5 years ago

شوفتي هاذي علاجكم في ايديكم..ربي يهون عليكم ان شاء الله