العضوة: 143800 , 5 years ago

اي كتب ما ننصحكشش خشي ع الفيديوا طوول خير

العضوة: 174744 , 5 years ago

@user-143800 اي فيديوات ما عنديش نت لين نعبي الفور دجي باش نحملهم ونتفرج عليهم امتا ما نبي هو موضوع ساهل يبي تركيز وممارسه لان قريت ان حرام تقري قران من غير احكام لان القران نزل على الرسول بالاحكام بالروايات وعلمه لصحابه ونزل القران بروايات مختلفه لان العرب كانو يتكلمو الفصحه بلهجات يعني العربية الفصحه اللي كانو يتكلمو بيها قريش مش زي باقي القبائل او المناطق والقراءه هكي يصير فيها اخطاء وتعتبر تحريف المعنى انا خاطري نسجل في مدرسة لكن مروان ما يبيش بالك لما تكبر امال نسجلها ويرضى نسجل معاها

العضوة: 143800 , 5 years ago

علاش ما يبيش دام عندك امال بس اسهل . يزيدوا الصغار معش تقدري . هو تاخدي متلا شهر بالاحكام ولما تتمكني تحفظي ف الحوش وتمشي تسمعي بس كان راعو ظروفك والا تتواصلي عبر النت معاهم كان دايرين المهم تستمري هو مش الاحكام هو الحركات لو غيرتي حركه يتغير معنى الكلمه فهمتي حرام لازم انركزوا لما نقروا وخاصة اللي متعلم واخد احكام التجويد لازم عليهم يكونوا مخارج الحروف عنه صحيحه باش نعطوا لكل كلمه حقها من الاحكام.

العضوة: 174744 , 5 years ago

@user-143800 ما يبيش يخاف منهم يقولي مش كل المداىس باهيه من قبل حتى ما نجيب امال كنت فاضيه قلتله نستفيد ونشغل وقتي قالي لا اي حتى الحركات تختلف توا كنت نقرا متلا التنوين ليه اكتر من نطق وفي حرف النون مرات اخر الكلمه ما ينقراش وفي كلمات يتصلو ببعض لازم ينقرو وراء بعض من غير وقوف

العضوة: 143800 , 5 years ago

ف مراكز كبيره متخصصه ما ينخافش منهم

العضوة: 174744 , 5 years ago

@user-143800 ما فيش بحدانا ومراكز معناها بنقيده في توصيل ومشي وجي ووقتها كان يخدم من الصبح ل6 امتا بيرفعني ويروح بيا وتوا ما فيش خدمه لكن مش حيقعد هكي يستنى امتا يكمل موضوع صاحبه وبيدور خدمه تانيه

العضوة: 143800 , 5 years ago

نفس حالتي التوصيل خساره دارها فينا والله كانت عندي رغبه نحفظ.. بس ننصحك لو عزمتي وبديتي لازم بالكتابه من الاول نا ديريش غلطتي. توا مل منبدا نحسها تبي فضوة وترحيز هلبا وصحه تقعمزي رقبتي اني توجعني

العضوة: 174744 , 5 years ago

@user-143800 باذن الله غير نفهم التجويد شويه ونشوف فيديوات وبنبدا بشوييييه ان شاء الله حتى نص صفحه في اليوم المهم نحفظ صح ومع الوقت نتمكن ونزيد نحفظ اكتر بس باذن الله نحاول وندير جهدي لان حرام عمرنا يضيع من غير شي هكي جري في جرت الراجل والصغار ومسؤوليات الحياه

العضوة: 143800 , 5 years ago

ربي يسخرلك ياا رب ايييه والله فعلا ضايع عمرنا ف جرتهم ربي يكون ف العوون وخلاص اني نا قدرتش بكل من حملي ختى صلاة الفجر 😢

العضوة: 174744 , 5 years ago

@user-143800 توا تجيبي على خير وتنظمي وقتك وترتبي امورك وتموضي تصلي وتخفظي وترجعي ناشطه زي قبل واحسن

العضوة: 174744 , 5 years ago

صباح الخير حمعتكم مباركه يارب

العضوة: 174744 , 5 years ago

@user-143800 كيف حالك اليوم وكيف حال الصغار وراجلك والحمل ان شاء الله رقدتي كويس

العضوة: 174744 , 5 years ago

@user-260309 كيف حالك اليوم وكيف حال الصغار وراجلك كيف حال زينب اليوم

العضوة: 260309 , 5 years ago

صباح الخيرات كيف حالك يارويده وكيف حال اصغار وراجلك واهلك شنو جو معاك الحمل شني اليوم حسيتي روحك ان شاء لله احسن . شني ان شاء الله رقدتي باهي في ليل.. كيف حالك يا ايوتي وكيف حال اموله وراجلك شنو حسيتي روحك اليوم ان شاء الله احسن

العضوة: 174744 , 5 years ago

@user-260309 اي الحمد لله احسن لكن معاش نشبع من النوم رقدت ال11 نضت ال9 ونص بالسيف