9 years ago
  • المرحلة الثالثة (الأشهر 9,8,7)
كل وحده تكتب الاغلاط اللي سوتها بالنفاس بهالموضوع و بيكون مرجع لكل وحده قربت تنفس عشان ما عاد تتكرر الاغلاط و الكل يستفيد من بعض🤥👏🏿 يلا نبي تفاااااعععل❤️

1085 تعليقات

العضوة: 159713 , 8 years ago

انا مراح اقولج اغلاطي لاني الحمدالله تنفست عدل . بقدم نصايح للي نفاس : اولا لازم تتغذين عدل وماتجوعي لان الجوع مو زين للنفاس بس مو معناته تنفجعي لا يعني تقسمي وجباتج لازم ريوقج يتكون من خضار وبروتين مثلا بيض جرجير والجبنه تكون مافيها ملح.. اشربي حليب مع حلبه بس اول عشر ايام بعدين وقفيه اعجني لج تمره مع رشاد وحبه سوده مع سمن وكوريهم بس تحسي بجوع تقهوي عليهم ولازم تغطين اذونج عشان مايدش راسج هوا وتتعبين وتدفي عدل والبسي دلاقات (شرابات قطن مريحه ) لاتشربين اشياء بارده بالمره او لاتاكلين اشياء لزجه مثل الملوخيه والموز والملفوف والاشياء الحامضه انسيها مثل الليمون اهتمي لنفسج عشان ماتخربين اشربي معاي ظروري لحد يقص عليج ويقولج الماي مو زين لا الماي شي ظروري بس يكون الماي فاتر مو حار ولا بارد وانا اخذ ادويه للنفاس من حرمه خبيره اعشاب التزم فيها بنفاسي عباره عن دوا القهوا واعشاب وحسو وسفوف وغسول اعشاب مرتاحه عليهم الحمدالله اكتبو بقوقل ام خالد الهاجري عندها كورس للنفاس معاه يجي كتيب يعلمج كل شي عن النفاس اتمنى اكون افدتكم والله يسهل عليكم ولادتكم ويحلي نفاسكم يارب ❤

العضوة: 159520 , 8 years ago

ولازم تعالجوووو الامساااااك💔

العضوة: 159713 , 8 years ago

واذا بتربطين بطنك اربطيه ثاني اسبوع من الولاده الطبيعيه اربطيه بشماغ (غتره) افضل شي ابتعدي عن المشدات لان رحمج راح يعورج عقب النفاس من المشد نصيحة اخت 👍

العضوة: 117614 , 8 years ago

@user-25024 ضحكتيني طووور من كل قلبي ولله.

العضوة: 159713 , 8 years ago

وعلاج الامساك انك تشربي دوا الملين اللي وصفوو لج الدكتور + تكثرين ماي واذا انتي بالحمام لاتحاولين تشدين بعدين تنط بواسيرج واذا كان فيج بواسير من الولاده نصيحه عالجيها بسرعه قبل يزيد الموضوع اتصلي على الصيدلي اطلبي منه تحاميل ومرهم علاج للبواسير يوصلهم لج لي البيت والتزمي بالعلاج لين تطيبين .

العضوة: 155265 , 8 years ago

@user-35039 يالله وصفك للرجفه البرد بمحلها جاني هالشعور الله لايعود يومها