انا من حوامل ابريل اخر دوره كانت 23 ابريل ومبارح كان اخر يوم بالأسبوع 39 وبدا طلق معي خفيف جدا مثل ألم الدوره تركت نفسي وبس اكل تمر بس ما اقبل اكل اي شي المهم عالساعه 2 بالليل صحيت عالالم زاد شوي مو كتير يعني ألم محتمل رحت عالمشفى قالولي 5 سم قلت ممتاز وضليت على ذات الألم لساعه خمسة الفجر اجت دكتوري فحصت قال لساته 5 وهون بدا الألم يزيد يعني صار كل خمس دقايق 3 او 4 طلقات بس اقوى وكنت انا رافضة ابرة الظهر لان خيفانه منها وبعدين وقت زاد الوجع طلبتها عالساعه 6 الفجر وكنت ادعي ان كانت خير تتيسر وان كانت شر تتعسر وفعلا قالولي دكتور تخدير عنده عمليه وبده ساعه ليجي ونحنا عالساعه 6:30 منجي ومنحطلك مغذي وفعلا اجت لتحطه باول ايد مازبط معها حاولت مرتين وتالت مره بالايد تانيه كمان مازبط قالتلنا رح خبر ممرضه تانيه تجي تحطه لان هاد لتجهيز إبرة الظهر وهون ساعه صارت 6:40 واجت طلقه حسيت بدي ادفع تسطحت قالتلي ولاده ونزلت مويه الجنين وعالساعه 6:45 بنتي كانت على صدري والحمدالله كانت بصحه صحيح أن توجعت بس يمكن كان هالشي خير لان الوقت اللي لازم يجي دكتور يعملي الإبرة بنتي نزلت والحمدالله دغري حضنتها وقلتلا ليش هيك عملتي فيني ههههههه وعقبال الجميع يارب تكون ولادتهن ميسرة وسهلة