مساء الخير جميعاً طبعاً الحمدلله ولدت بفضل الله و منته و بكتب قصة ولادتي ان شاء الله تستفيدو منها 💙 انا من حوامل 12/مايو بحساب الدكتوره الولاده المفروض 16 فبراير يعني قبل يومين و بحسابي من حوامل 15/ مايو كلها فرق يومين لكن احس انا اتفلسف 😂 المهم صحيت يوم السبت احس ماني ع بعضي في الام خفيفه كالعاده شربت حليب بزنجبيل و ملعقتين كبيره عسل توقعت الالم يزيد بالعكس خف المهم تحطمت خصوصا ان رحمي 1 سانتي من بداية التاسع قلت خلاص ماراح اخذ شي طلعت امشي ساعه تقريبا رجعت تحممت و نمت صحيت الفجر على الم منتظم كل 7 دقايق هذا الاحد رحت الطواريء قالت 1 ونص ماعندك ولاده و انا طالعه جات دكتوره ثانيه قالت انتي بداية ولاده المهم رجعت البيت قريت على مويه (ورد الولاده و تسهيلها ) كامل و حطيت منقوع زعفران و موية ورد و قعدت امشي و اشربه و ادعي ( يا ولي نعمتي و ملاذي عند كربتي اجعل ولادتي برداً و سلاماً علي كما جعلت النار برداً و سلاماً على ابراهيم ) و كان الطلق يشد و كنت اجبر نفسي امشي حتى وقت الطلقه و احس شي ينفتح ف ظهري المهم قعدت على ذَا الحال من 10 الليل لين 7 الصباح لين صار خلاص الطلق شديد دقيت ع زوجي قلت تعال بولد و قمت لبست و انا البس حسيت بشي نزل طلعت سدادة الرحم نزلت و صار ينزل دم على خفيف و ادخل المستشفى 8 الصباح كشفت علي ف الطواريء قالت ولاده روحي الكشك انتي 2 سانتي الصراحه تحطمت احسب فتح مضبوط المهم هو حق طلعت الكشك صار الطلق يقوى لدرجة اوقف ماقدر اكمل مشي لاني رفضت العربيه قلت بمشي صرت اوقف اخذ نفسي عميق و اطلعه من فمي وصلت الكشك كشفت قالت 3 سانتي ونص رجعت كشفت بعد نص ساعه قالت 4 ونص خلاص بفك موية الرأس و كنت برفض لاني مابي تفكها الحين المهم بس فكت موية الرأس صار الرحم يفتح و الطلق شديد و اسوي التنفس و ادعي المهم لما صار شديد مره قلت ابي مسكن عطتني مسكن نوعه بيثادين و عطتني مسكبان بس الالم ما زال قوي قالت بكشف لقته ما شاء الله 9 سانتي قالت خلاص 10 دقايق و تولدين بس تحسين دفع ادفعي و هنا الأكشن صار يا بنات ما عاد عرفت ادفع صار الدفع يجي مع الطلقه بدال ما ادفع على برا اشفط ع جوا 😂😂😂 المهم ما بقى دكتور ف الكشك و لا دكتوره و لا ممرضه ما علمتني كيف ادفع المشكله افهم عليهم بس مدري هو خوف و لا ايش صرت اشفطه على فوق قال الدكتور ترا بتخنقينه قلت غصبا عني ماني قادره المهم صار النبض يضعف و قالو خلاص عمليه جاء دكتور الله يسعده قال لا ما أحولها عمليه راح تولد طبيعي انا بساعدها المهم جات طلقه قويه و حسيت دفع قوي غصب عني و دفعت دفعه بسيطه فرح هو غير لبسه و قال يلا ولاده دخل يده بعد ما وسع لي لان النبض ضعيف و قال انا ماسك الرأس بس يجي الم ادفعي بدون صراخ خلي صراخك و جهدك تحت و فعلا سويت كلامه 4 دفعات يارب لك الحمد و الشكر الا اسمع صياح برهومي و حطوه على طول ع صدري و كان ازرق خفت مره لين سمعت صياحه و خلوه عندي و بنجوني من تحت وولدت المشيمه و خيطني الدكتور و بس شالوه ينظفونه بعدين رجعوه مره ثانيه شعور الله لا يحرم كل أنثى منه يارب احس ملكت الدنيا طبعا سبحان الله مجرد ما تدفعين و يطّلع الرأس يبدا الالم يخف لين يطّلع كامل الجسم و تنسين كيف كان الالم 💕 طبعاً الاشياء اللي فادتني بعد الله : منقوع الزعفران مفعوله فضضضضضيع يفتح الرحم بسرعه . ورد الولاده للشيخ ابن عثيمين . المشي قعدت امشي لين خلاص احس ظهري بينكسر حتى وقت الولاده ف الكشك كنت امشي لين قبل ما تفتح موية الرأس و بس حبيت اشارككم الأكشن حق الشفط حقي 😂😂😂👌🏻