الحمدلله ولدت بالسلامه وجبت ولد اخر دوره ١٢ يناير ولدت على نفس حسابي بالضبط من يوم الجماع يوم ٢٤ يناير كنت متأكده منه وحسبت من هذاك اليوم ٣٨ اسبوع بالضبط واليوم تمت ولادتي بطلق طبيعي وبدون اي محرضات او كشف نسائي ولامره كشفت جاني الطلق في البيت يومين لاكن غير منتظم واليوم الثاني كان شبه منتظم انتظرت لحد ماصارت بين كل طلقه والثانيه ٣ دقائق وكان محتمل وصلت المستشفى الساعه ١٢ الليل كشف علي الدكتور من تحت وقال الراس عالي وعنق الرحم سميك ومفتوح ٤ سم وراح تطولي على ماتولدي لسى قدامك كثير الصراحه انقهرت على نفسي تعبت يومين من الطلق وانا في البيت ولا اكلت شيء يادوب صحن صغير كورن فلكس وسبع حبات تمر اكلتها بعد الظهر قفلها في وجهي بكلامه بس توكلت على الله وقلت اللي كاتبه الله بيصير المهم مع كشف الدكتور من تحت زاد الألم حطوني على جهاز التخطيط نص ساعه كان الطلق حامي يوصل فوق ٨٠ بس الحمدلله اقدر اتحمله فحصوني من تحت وعلى طول نقلوني غرفة الولاده ساعه من الألم القوي اللي زاد بعد ما اعطتني مغذي في الوريد الله اعلم اذا فيه طلق صناعي او لا بس من بعدها تقارب الألم وزادت حدته وكنت عارفه نفسي ماراح اطول لاني كنت اصرخ من الألم وحسب تجاربي السابقه اذا صرخت معناتها خلاص وقت الدفع قرب راحت القابله وتركتني وجلست اناديها احس خلاص على وشك يطلع البيبي انفكت موية الراس وصرخت فيها تجي بسرعه جت فحصتني وتعابير وجهها ماتطمن بس طنشت وتعاملت مع الألم اذا حسيت بالدفع ادفع بدون ما انتظرها شافتني كذا وبدت تشجعني الحمدلله ثلاث دفعات وولدت لاكن الغريب انه بعد الولاده ماوقف الألم بس مع خروج المشيمه خف وبديت اهداء تدريجياً لحد ما قدرت استرخي يمكن اعطتني طلق صناعي وانا ما احتاجه اصلاً طلقي قوي وهو سبب هذا التعب كله لاكن كل شيء بأجره ان شاء الله اهم شيء سلامة مولودي وشوفته بصحه وسلامه 🤩 للعلم ماكنت اعرف جنسه ولا مره فكرت اكشف وكانت احلى مفاجأه انه ولد لان عندي ولدين واربع بنات الله يقر عيني فيهم ويحفظهم جميع