قصة ولادتي ..😓 بكرية انا طبعا عديت اسبوع 40 او ما كان عندي اي بوادر دكتورة حددتلي موعد بعد اربعين بأربع ايام طلق صناعي او بيوم تاتي صار يجيني بضهري متل دورة او افرازات وردية رحت ع مشفى طبعا قالولي رحم مسكر لسا او معك طلق خفيف او جنين منيح المهم مع انو كان بين طلقة او طلقة ست دقايق بزبط بس الطلق كمان كان يجي يكون خفيف يعني محتمل صار يوم رابع موعد طلق صناعي رحت صبح ساعة سبعة او نص لبينما جهزولي وراقي او كلشي أو عطوني غرفة انا خترت تكون لحاله يعني ما يكون حدا جنبي اجت ممرضة ركبتلي ابر بلوريد طلق صناعي يعني او فحصتني قالت يا دوب فاتح نص سانتي او دهنتلي مرهم من جوى قال مشان تساعدك بفتح عنق الرحم طبعا انا لما دخلت المشفى كان طلق محتمل او بعده الله لا يورجي حدا صار كل دقيقتين وجع او رحم ما يفتح ساعة تلاتة اجت دكتورة قالت فاتح تلاتة سانتي يعني مطولة للمسا هون تحطمت اكتر او وجع بلش يجيب اكتر او انا اصرخ ع زوجي قلو بدي عملية او هو بيحاول يهديني اجت دكتورى قلتله بدي إبرة ضهر انا رحم لسا 3 سانتي ما فيني اعطيكي قبل ما يصير 5 او انا كل شوي قلون عطوني شى ما بقا اتحمل آخر شى ع ساعة 4 او نص دكتورة عطتني إبرة مسكن مفعوله ساعتين تقريبا هون اترتحت شوي نمت رجعت فقت ع وجع اقوى بيقولي يا قومي تمشي او تشطحي المهم ما تقعدي لانو راس جنين بيطلع فوق طبعا دكاترة خلص دومون راحو اجو مناوبين بدالون ساعة سبعة اجت قابلة او قال بدنا نفحصك مع طلق لنشوف توسع اكتر او هون هيه حرضتني اكتر او صار ينزل دم كتير قال فاتح 7 سانتي بقيلك شوي طبعا اكتر شى مزعج هو سيروم يلي معلق على ايدك او جهاز تخطيط ع بطنك ما فيكي تتحركي منون بعده بربع ساعة رجعت اجت قال يلا ولادة حولوني ع غرفة ولادة او من صبح لا خلوني اشرب مي ولا حتى شى حطو بتمي يعني ما ضل عندي طاقة او بيقلولي ادفعي مع طلقة ادفع مرة تلاتة اربعة ما طلع او صرت اصرخ لا ارداي او نفس راح بعدين قلتلون عطوني اوكسجين ما عاد اتنفس عطوني بعدا نادو لدكتور دفش بكل قوتو على بطني قلت خلص متت مع اول دفشة الحمدلله طلع ابني او رتحت كانو هم جبل كلو راحو من فوقك او سمعت صوتو صرت احمد ربي او اشكرو بعدها خيطتني او هنن دكتورة او قابلة عم يحكو مع بعض سمعتون قال هي حالته صعبت كتير مع ولادة طبيعية كان لازم قيصري لانو حوض تبعه ضيق بس دكتورة ما قالتلي هيك او شق صار كتير خطوني او بعده لبسوني او جابوني ع غرفتي او عطوني إبرة مسكن او انا ما كنت مصدقة ولله اطلع عايشة من هاداك غرفة كانو شكلي طالعة من مقبرة بس الحمدلله على كل حال مضت على خير او اليوم خرجوني بعد ما تطمنو على صحتي او صحة بيبي او كمان نصيحة لا تشربو اي شى ولله انا ما خليت شى او شربتو او بعده ندمت لانو كان يجيني طلق من دون توسع لهيك تعذبت كتيييرر