اللهم لك الحمد ولدت اول طفل يوم 9/15 ادري متاخره في كتابة تجربتي .. الحمدلله ولدت بطلق صناعي لان تاخرت كثير بس الحمدلله كل شي بتيسير من ربي .. كانت تجربة الولاده حلوه بس نهايتها مأساويه! كنت دايم اتجاهل اي وحده تحكي لي تجربة ولادتها وغير التخويف و اقولها بعيش التجربه والتيسري من ربي وكل ومراه تختلف عن غيرها وكل وجع يختلفي بس يخرج راس طفلك وتشوفينه حتى الخياطه اللهم لك الحمدلله مراح تحسين فيها مع البنج الموضعي بس اللي صار معي كان اهمال من مساعده الدكتور وقت الولاده خرج الدكتور المشيمه واعطاني ابره البنج وقال ان النيرس راح تبدا تضغط على بطنك وتنظفك وبعدها ابدا معك خياطه قلت طيب واهو خرج وقتها ما شفت النيرس ابد صلحت اللي هو قاله وانا طبعاً بكر واجهل امور ما بعد الولاده ! خرجت للبيت وفرحة بطفلي بس طول الايام احس بتعب فالجلوس وثقل فالبطن وكنت اقول ل امي فيني تعب اكثر من تعب الولاده نفسها! وقلت يمكن من الخياطه وووو اخذت ثلاث ايام وبديت اشم ريحة كريهه فالفوطه وانتم بكرامه جداً جداً كريهه وكنت اغير كل ساعه الفوطه والملابس من قوة ما الريحة كريهه كانت تطبع فالملابس رحت مستوصف خاص كشفت الدكتوره قالت بداية التهاب فالخياطه ويمكن هي سبب الريحة!!! اخذت بعدها 15 يوم فجاه حسيت بثقل يضغط على اسفل حتى على فتحة الشرج !! ضغط مو طبيعي وكنت دايم احس بحمى واني دايم بردانه ! ذاك الساعه اقول لامي احس بشعور الطلق وكانت تضحك علي تقول شكلك للحين تحت تخدير الولاده بس دقايق وحسيت جد شي ثقيل بينزل مني !! وانا على كرسي الحمام وانتم بكرامه شفت زي الشي نازل ترددت وخفت امسكه لان انا حتى الخياطه خايفه امسكها فالبدايه قلت يمكن دم متجمد! اخر شي تجرأت ومسكته وكانت هنا المصيبه ان هذا الشي قاعده اسحبه ولا قاعده يخلص! قلت فالبدايه لو حسيت ب الم راح اوقف سحب ! بس كان العكس تماماً كل ما سحبت كل ما ارتحت ! سحبت سحبت كانو مصران الغنم وانتم بكرامه ونزل مني دم كثير بدون توقف لمن طلع هالشي مني انا هنا ما صرت احس بجسمي ودوخه من الشي اللي شفته بس كان بطني مره مرتاح!! واختفى الثقل اللي فيه اول شي صلحته صرخت وناديت امي بس شافته جابت كيس وطلبت مني احطه فالكيس وجابت لي ملابس وبدلت وطلعت على المستشفى على طول امي كانت فاهمه ايش هالشي بس ما قالت لي وصلنا المستشفى اللي ولدت فيه ودخلت امي معي وكانت منفعله وانا مو حاسه في شي ابد بالعكس كنت مرتاحه اقدر امشي واجلس عكس اول المهم سمعت امي تقول لدكاتره فالطواري هالشي بقايا من المشيمه نازله على بنتي اخذو الكيس منها وفحصوه وطلع صح جزاء من المشيمه وعلى طول قالو نامي نكشف عليك اذا الرحم مفتوح او مقفل ! وكان مقفل وحولوني للاشاعه وطلع باقي شي بسيطه نوموني واعطوني حبوب تحت اللسان سبب لي تقلطات يتعبر طلق وكانت لها مضاعفات متعبه جداً كنت في كل الم احس فيه اتحسب على الاشخاص اللي يحملون اسم دكاتره وهم ابداً ما يهم صحة مريضهم تعبت نفسياً وجسدياً وانا حالياً فالبيت والاشياء البسيطه لسا فيني قالو تنزل منك مع شرب الاشياء الحاره واعطوني مضاد عشان ما تحيني التهابات ادعولي معاكم وحسبي الله ونعم الوكيل في من كان في هالسبب