قصتي كالتالي اولاً احمد الله واشكره اللهم لك الحمد حتى يبلغ الحمد متناه الحمدلله كما ينبغى لجلال وجهك وعظيم سلطانك .. انا ولدت قيصري المره الاولى قبل ٦ سنوات والسبب ارتفاع في ضغط الدم وانفصال جزئي بالمشيمه وجبت بنت زي القمر ولدت في مستشفى حكومي عند اهلي حاولوا معي طبيعي بس مجرد حطوا لي تحمليه ارتفع الضغط كثيير وصار فيني تسمم حمل ودخلت علطول عمليات 💔.. المره الثانيه حملت بعد ٤ سنوات من ولادتي الاولى وكنت حابه اولد طبيعي مرره ورحت لخاص وكنت اراجع عندهم المهم مالكم بالطويله بنفس اليوم المتوقع لولادتي جاني الطلق الساعه ١١ الظهر وجلست الا ٩ العشاء وكنت طوال هالفتره احاول امشي واخذ شاور عشان اذا رحت اكون منتهيه بس غلبني شعور الترجيع كل مااكل لي شيء ارجعه رجعت التمر والعسل والاناناس حتى المويه وامي لمن شافتني كذا قالت شكل الرحم خلاص مفتوح كثير خلينا نطلع ولمن طلعت قالت بس ٢-٣ سم فقط وكتبت لي تنويم وطلعت لغرفه الولاده وبس شافوني ارجع كثير قالت الاستشاريه ايش اكلتي ايش شربي مع التحقيق والسؤال قالت اكيد الجنين متبرز دام انتي مااكلتي شيء مو زين او اعشاب وخرابيط راح افك المويه عشان اتاكد وبس فكتها طلعت خضرررراء تخوف وزاد الطلق عندي بس ماانتظرت قامت تصارخ (اميرسنجي سيسكشن ) يعني عمليه قيصريه طارئه 😩💔💔والحمدلله جبت ولد بس تعب كثير وجلس بالعنايه المركزه ٧ ايام يشفطون اللي شربه واخذ مضاد لانه شرب من مويته وكلها براز وانا بعد اخذت مضاد لانه تبرز داخل رحمي المهم الحمدلله طلعنا سالمين .. بعد سنتين حلمت وجلست ابكي ماابي قيصري وصرت اراجع بقوى الامن وجبت تقاريري معي وكم مراجعه بطب الاسرة وحولوني على العيادات الخارجيه وكمل حملي بسلام وجت اخر زياره عشان يحدد لي موعد عمليتي بالاسبوع ٣٨ قمت انا كذبت قلت ممكن تاجليها بحضر زواج اختي وخليته ياجله اسبوع ووافق واخذت ورقه التنويم وطلعت المهم اني انا رحت مره بالسابع ومره التاسع وقست سمك الجرح ولمن جاني الطلق رحت خاص اشوف كم مفتوح الرحم واشوف الجرح فيه تمدد ورحت قالت مفتوح ٤ والجرح مافيه اي تمدد وكملت لين حسيت نفسي خلاص مو قادره ابغى ادفع وطلعت لهم واول مادخلت وكشفت قالت ٨ خلاص ولاده وخلتني على جنب ونادت قابله ماليزيه تهبل مره جت تساعدني وبس دفعتين وطلعت بنتي وانا قعدت ابكي واحمد الله بصوت عالي وابكي مو مصدقه اللي صار والله بكيت اكثر من بنتي😭♥️♥️ وهي تقول خلاص شفيك ولدتي وخلصتي وتنظفني وتخيطيني وتخلص وتطالع ملفي تقول مشاء الله عندك اثنين قيصري من قبل وتنادي الطبيب وهو ينادي الاستشاري وصرت اسمع اسمي بكل المستشفى ويجون الفلبينات ويطالعوني ويطالعون ملفي ويسالوني عن اسمي😂😂 وشوي ودخل علي الاستشاري ذي المريضه اعرفها وبس دخل قال يعني سويتي اللي براسك لاني اكثر من مره اترجاه يساعدني اولد طبيعي هو رفض وكنت اجيب له دراسات طبيه وبحوث وهو يقول صح كلامك بس اظمن لك القيصري مايبي يوجع راسه معي المهم دخل قال الحمدلله على سلامتك انتي وبنتك وسوا لي سونار وتاكد ان وضعي سليم وطبيعي وطلعوني للتنويم والحمدلله يارب 🛑 بنات انا ماسويت شيء غير الدعااء والصدقه والاستغفار وصلاة الوتر والاستخاره والتوكل على الله فقط والحمدلله يارب