الحمد لله الذي بنعمته تتم الصالحات .. انا من حوامل سبتمبر اللي كانوا معندات في التاسع .. آخر دورة الي 27 سبتمبر .. كان باقي لي يومين بالاسبوع الاربعين وولدت الحمد لله قصة ولادتي: طبعا انا كنت مستعجلة كتير فبدأت محاولات فتح الرحم من اول يوم بالتاسع .. مشي ساعه يوميًا .. حمام ساخن يوميًا .. شرب اعشاب .. عصير انناس .. كلللله مانفع كان باقي لي يومين و اخلص شهري .. الساعه 12 بالليل حسيت بمغص قمت شربت قرفة فاختفى الوجع .. تشائمت فكرت مغص طبيعي و راح ع شرب السوائل الدافية .. المهم صار جماع و تحممت بمي قريب من الساخن و ركزت على اسفل ظهري وبطني ... رجع المغص بعد ماطلعت و كان كل عشر دقايق .. هون عرفت انه طلق و بلشت احسبله .. للفجر تقريبا و هو كل عشر دقايق و وجع محتمل يعني عم نام بين الطلقة والطلقة ... و بعد الفجر زاد كتير الالم و صار كل خمس دقايق .. و مع هيك مافكرت روح ع المشفى لان كنت ناوية من يوم ولادتي بابني الاول ان المرة الجاي مابروح حتى استوى مية بالمية و فعلا وصلت للساعة 8 الصبح منتهية .. لدرجه صرت حس بدفع .. راح زوجي يجيب تكسي و تأخر شوي فكرت حالي بدي اولد بالبيت .. اجت التكسي و ماصدقت اني اوصل المشفى لانها بعيدة شوي..كل مغصة قول خلص رح اولد بالتكسي .. ومرقت على خير .. وصلت ع العاجل وفحصوني فحص نسائي وصاحت الممرضه بسرعة ولادة و حطوني على كرسي متحرك لان كام ممكن بأي لحظة ينزل الراس ... دخلت غرفه الولادة الساعه 9 اول طلقه ماعرفت ادفع و راحت ع الفاضي .. التاني استجمعت قوايي و دفعت بكل قوتي و اجت الي بعدها مباشرة قالتلي الدكتورة خدي نفس و ارجعي ادفعي متل الي قبلا ... و نزل ابني ع الساعه 9.20 الحمد لله و ما احتجت خياط رغم اني بابني الاول كان عندي 13 قطبة و كنت متوقعه تفتح هالمرة لان بعدها مو نظامية ...و انتهت رحلة وهن على وهن الحمد لله و ع قبال الجميع بالخير يارب