هي تاني ولادة الي تعبت بششكل موووو عااااادي.. الطلق بلش من مبارح الساعة ١ الضهر مارحت عالمشفى لحتى تأكدت ولادة وانتظم الطلق وصلت المشفى الساعة ٨ المسا فحصتني الدكتورة كان الرحم فاتح ٤ سانتي قلتلي ولادة لازم تبقي بالمشفى.. نقلتني عغرفتي بعد ساعتين اجت تفحصني داخلي كان بعدو ٤ مازاد ورجعت بعد ساعتين فتح لل ٥ بس عطتني حبة دوا بتسكن الوجع وبتنيم طبعا ما تأثرت فيها.. الساعة ٣بليل فحصتني كان لسا ٥ قلتلي رح اعطيكي دوا تنامي لتسترجعي شوية طاقة للولادة.. جابتلي ابرة عطتني ياها برجلي بالفعل نمت عليها هيك للساعة ٦ وفقت من الوجع اخدت الغاز ورجعت نمت لل ٨ الصبح.. ٨ الصبح اجت فحصت النبض وكل هالقصص وبدا تفحصني داخلي لاقتو فاتح ٦ وكل شوي فحص وماعم يزيد المهم اخر شي وصلت الساعة لل ١ قلتلي رح اثقب مية لراس وبالفعل ثقبتها.. وزاااااد الوجع لدرجة مابقد اخر نفس قد مو متقارب وقووووي الساعة ٢ الا ولادة خلص وبلشت مرحلة الشد للساعة ٢ و٦ دقايق الحمد لله اجت الحلوة ع هالدنيا رغم كل العذاب والوجع والتعب اول ما مسكتها نسيت كللللشي..