العضوة: 774141 , 6 years ago

انا من الجزائر العاصمة و مزوجة في شرشال و انت اختي

العضوة: 131783 , 6 years ago

خيار الناس انا لبنى من ام البواقي عندي طفل ست سنين وطفلة عامين ونص

العضوة: 782079 , 6 years ago

الف مبروك ربي يتمملك على خير

العضوة: 774141 , 6 years ago

الله يبارك ربي يحفظهملك و يجعلهم ذرية صالحة تشرفنا ختي انا هاجر و عندي طفلة عندها قد قد عام و هذا حملي ثاني ربي يثبتو و يجي في خلقة تامة. حقا فهمتيني ياك متقوليليش كتبت هذاك الجرنان باطل🙄😷

العضوة: 131783 , 6 years ago

انا مفهمتش حتى كيفاه هزيت على اساس انو مدايرين لعزل حتى انا درت الروطار مش مالفة كي درت التست لقيت روحي اونسانت جاتني فرحة اومامتو بكية وكي شفت راجلي فرح شهدت واستغفرت هذا وين بديت نستوعب على أساس بنتي مزالهاصغيرة

العضوة: 131783 , 6 years ago

هيه عاودت عاودت باش فهمتك ربي سبحانو كي حب يمد لعبدو كن فيكون انا بعد كنت مدايرة العزل وقلت بلاك دارو بلوكاج والحمد الله هذا وين بديت نتقبل

العضوة: 774141 , 6 years ago

نفس الشي سبحان الله درت جميع الاحتياطات باش منحملش بنتي صغيرة و عندي مشاكل صحية لازم نتبعها الحمل يعطلني قتلك اليوم لي نورمالمون يجوني عملت علاقة بلا مانع كي شاطرة و ربي سبحانو قال للشئ كن فيكون مع لول جاتني صدمة منكذبش عليك و بكيت حسيت بلي ظلمت بنتي ووحمي واعر نسوفري بيه لكن مبعد راجلي شفتو فرح استغفرت و قلت في نفسي لعله خير و سبحان الله مور زواجي قريب عام و نص و انا نجري باش نرفد بسيف و هذي الخطرة جا بلعبة ربي يرزق كل مشتاق

العضوة: 131783 , 6 years ago

مزلتي جديدة حالتك وصغيرة انا عندي 32سنة و سبع سنين زواج بين ولدي الاول وبنتي خليت قريب ربع سنين بيناتهم مسوفريتش حتى ولدي عاوني في ختو علكيف لقيت راحتي كي بعدت بيناتهم وضرك هذا جا بلا مايشاور😁😁..ا اعتراض على حكم الله انا قلت بالعزل مانهزش وقريب تجيني الدورة درت علاقة بصح مطولش لداخل حشاك مامبا زوج ثواني ممكن هزيت بالطريقة هاذي ...المهم ربي يكملنا على خير ونتبعو مع بعضانا حتى نزيدو نشالله

العضوة: 774141 , 6 years ago

والله العزل مافيه لامان هههه انا لاعجبك كي دارتلي ايكو قاتلي راه التكيس بزززاف زاد نمدلك لابيلول 3شهور باش يذوبو قلت يافرحي ياسعدي تهنيا من العزل وهو كان يخمر من جيهة واحدوخرا انا ممنوع عليا لابيلول لانو طلعتلي لاطونسيون فالزيادة الاولى....32 سنة مزالك صغيرة الله يبارك انا قريب ندير 29 لواحدة جيب ذراري عالصغر باش متسوفريش بزاف والله ربي يقدرنا و يكملنا الحمل تعنا على خير

العضوة: 131783 , 6 years ago

32بقالي اخلا هههههه واشي هوقلت عالاقل دير بنتي 3سنين ويزيد يفرج عليا ربي نخدم ومبعد يفرج ربي 3ولاد يكبرهم لعبد بزايد وكي توصلي 39 ولا ربعين تجيب آخر العنقود كي تكبري تلقايه ساعة تأكدت بلي ربي ليقرر ويسير في عبادو مش حنا كيما قلتي خلي يكبرو مع بعضاهم بصح منعرف واش راح يجيني طفل ولا طفلة انا نموت عالبنات بصح ولدي حب خوه

العضوة: 774141 , 6 years ago

والله صح ربي لي راه يسير فينا حنا زيادة برك ان شاء الله يكونو ساجين و بصحتهم هذا هو الصح ايه لبنات عندهم حلاوتهم و الطفلة حبيبة يماها انا تان نقول لوكان غي نزيدلها ختها يتوانسو مع بعض و مينداك نقول لوكان طفل خير يولي عندي طفل و طفلة بركات ههههه بصح شوفي ربي واش راه مكتبنا

العضوة: 784979 , 6 years ago

علموني لهجتكم حبابين ههههه مبروك الحمل

العضوة: 765933 , 6 years ago

هلو بنات احجولي تجربتكم مع الحمل بولد اني ببنتي كان الدرار فاتح بس هسه بهذه حملي الدرار غامق وكنت ببنتي ان تقيى كثير وهسه بهذه حملي ما اتقيى بس لعبان نفس منو صار هيج وياه ومعه ولد ادعولي يكون ولد اقسم عليكم بالله

العضوة: 131783 , 6 years ago

الطفلة حنينة بصح واعرة بنتي دارت حالة في خوها قبيحة مسكين ساعات يولي يبكي تنحيلو كلش ومتخليهش يلعب حتى كي يكون يقرى تنحيلو السيالة باش تكتب هي ولدي حنين هو اللول تاعي وعاقل بزاف بصح يموتو على بعضاهم ندخل نلقاه محضنها ويتفرجو كيف كيف ومايشتيش عليها وكي يشري حاجة يجيب معاه لختو بصح هي حصان 😁😁😁

العضوة: 131783 , 6 years ago

الله يبارك فيكي لهجتنا صعيبة صح لانو تختلف من ولاية لاخرى بس في كلام لو تركزي معو راح تلاقيه عربية بس مكسرة شوي وكل بلد ولهجتو بس احنا نفهم لهجات كل العرب