العضوة: 749587 , 5 years ago

بتزبط بس الماكينة بتزبط اكتر محضرة الطعام مابتخليها ناعمة كتير بدك تتعزبي بفركها ع ايدك

العضوة: 656126 , 5 years ago

@user-749587 رح اجربها بكرة ان شاء الله يارب تزبط معي ما بدي اعمل كتير مشان ما تخرب معي

العضوة: 749587 , 5 years ago

اي لحمة عجل من دون دهنة لحمة حمرة مافيها ولاعرق دهنة حتى ماتفرط الكبة معك اذا عندك لحمة هبرة بتحطي كيلو برغل بنص كيلو لحمة هبرة

العضوة: 749587 , 5 years ago

صحة وهنا سلفا اي اذا عيلتك مو كبيرة لا تعملي كتير بما انو او تجربة الك أن شاءالله تظبط معك

العضوة: 656126 , 5 years ago

@user-749587 عندي اربع اطفال صغار الله يحميهم شكرا لك حبيبتي غلبتك معي

العضوة: 30102 , 5 years ago

يسععددكمممممم ياررببب بشووفه وبشوف الي بتكتب طريقتها

العضوة: 749587 , 5 years ago

شوفي طريقتي اختي نشالله كون فدتك

العضوة: 244350 , 5 years ago

انا عندي طريقة بلا هبرة كتييير طيبة بتنقعي كاستين برغل ناعم بمي سخنة وبتتركيهم لحتى يمتصو كل المي وينشف منهن وينفشو بتحطي عليهن كاستين طحين ونص كاسة زيت مازولا او ايا نوع وملح ورشة كمون ناعم وبصلة مطحونة وفلفل اسود وشوية صغيرة بهار وبتعجنيهن منيح كتير بايدك لحتى تتجانس العجينة بلشي بعدها شكلي الكبة بايدك واحشيها لحمة مفرومة مقلية مع بصل ناعم واي نوع مكسرات كاجو او لوز او اصنوبر يلي بتحبيه وطبعا تكون اللحمة مبهرة ومعها ملح وفلفل بس تخلصي تشكيل الكبة حطيها بالفريزر ساعة او 2 وقت بدك تقليها طلعيا من الفريزة وعالقلي بزيت حامي حتى ماتفرط الكبة وبعدين بس تستوي من برا خففي النار شوي حتى تستوي من جوا تقريبا بتاخد وقت خمس لسبع دقايق قلي لتنضج مزبوط وصحتين وهنا

العضوة: 749587 , 5 years ago

الله يحميلك ياهن لاولو لا عذاب ولاشي اهلا وسهلا وخبريني بكراا كيف راح تطلع معك ولله انا كمان مشتهية ع اكلة كبة بهل اكم يوم بعمل ان شاء الله

العضوة: 656126 , 5 years ago

@user-244350 شكرا الك حبيبتي يسلم ايديكي

العضوة: 656126 , 5 years ago

@user-749587 ازا زبطت ببعتلك صحن هههه قصدي صورة اميين يارب حبيبتي ويحميلك صغارك يا رب

العضوة: 749587 , 5 years ago

يسلمون وماكول الهنااا سلفلا

العضوة: 656126 , 5 years ago

@user-749587 يهنيكي اختي تسلمي ❤️❤️❤️

العضوة: 244350 , 5 years ago

الله يسلمك حبيبتي

العضوة: 725248 , 5 years ago

سلام