السلام عليكم ورحمة الله وبركاته الحمدلله ولدت طبيعي بعد ولادتي الاولى وكانت قيصري م كملت سنه وحملت على طول وكنت خايفه انّي اولد قيصري بس ياربي لك الحمد الله فكّني منها بقول لكم قصة ولادتي 😍😂 ولدي عمره سنه و ثلاث شهور ينام ب سريره جنبي وصحى وطاح على بطني وانا نايمه وصار يرفّس بطني ب رجلينه صحيت على وجع الطلق كنت باخر الاسبوع ٣٩ والله م كان عندي نيّة ولاده 😂😂😂 بس شكراً له انه طاح علي ولا كان للحين م ولدت المهم جلست اطلق تقريباً اربع ايام ويوم الاربعاء م قدرت اتحمل الالم ونمت قلت يمكن اصير م احس فيه وكنت انام واصحى من شدّت الالم صحيت الصبح الخميس .. حسّيت ب شي نزل مني ولما رحت للحمّام الا طلعت سدادة الرحم وانتم بكرامه ومن بعدها صار يجيني الطلق كل دقيقتين لبست ورحت للطوارئ وشافت كم فاتح الرحم طلع بس سانتي ونص وانا على السرير حسيت ب شي انفجر داخل بطني انا م ادري وش السالفه قلت لماما اخاف يصير لي شي انا وبنتي قالت ماما لا تخافين الا انكبّت الموياء 🤢 وانا ادوخ وحالتي حاله 😂 مدري اتوجّع ولا اخاف من الموت الزبده طلعنا فوق وجلست تقريباً ساعتين وجاء الدكتور وسوا لي سونار وقال وجه البيبي على فتحة الرحم ورجعت للسرير مع الطلق هو يلف وجه بنتي للشكل الصحيح وصار يوجعني جرح القيصري وقال جهزو غرفة العمليات وعطاني ابره ترخي الرّحم وحسّيت بشي يبي يطلع ماني قادره اتحمل وانادي الممرضه وفحصت الرحم قالت فاتح خمسه سانتي يلا ولاده وعلى طول لغرفة الولاده والحمدلله م طوّلت داخل وولدت طبيعي على طول الحمممممدلله