السلام عليكم ورحمة الله وبركاته مرحبا بنات ، تقبل الله طاعتكم موضوعي نقاش وتبادل آراء وتجارب عن اللي ولدت قيصري كيف تجربتك مع القيصري ؟ وهل جربتي الطبيعي من قبل ؟ اذا جربتي الطبيعي وش الفرق بين الولادتين وأيهم تفضلين طبيعي ولا قيصري ؟ عن نفسي ولادتي الأولى كانت قيصري قبل 11 شهر لأن بنتي معترضة ومع العمليه شافت الدكتورة ان الحبل السري ملتف مرتين عليها تجربتي كانت جميله بصراحة كان فيه توتر وخوف بس تحمست أولد واشوف بنتي بعدها كان فيه الم الجرح والمشي بس كله طبعاً يهون مع الوقت وانا بالنسبة لي كان هالألم ارحم مليون مرة من الوحام وحامي كان صعب جداً وبصراحة ودي أعيد تجربة الحمل بس بدون وحام 🙈😂 والدكتورة حذرتني ما احمل قبل سنتين اقل شي ويفضل بعد ثلاث الا اربع سنوات اذكروا لي تجاربكم ..