بنات جاي اشوف بكل موضوع ينشرنه البنات اكو فد مجموعه من البنات مايعجبهم النشر زين ليش هيج اوجه رساله للمزعجات بصوره خاصه يعني حبيبيتي عيني وقلبي اذا معجبج منشور مو بلازم تعلقين وضوجين صاحبه المنشور سواء بتطفل او برد سيئ او بتعليق يحرجها او تبليغ الاداره انتي بنيه وام وربه بيت ومتعلمه ومثقفه ماعتقد هاي الاشياء الها داعي حته نزعج بعض بيها احنه هنا خوووات وكاعدين ع حب الله ومجتمعين من مل الدول ومن كل الطوائف صح كلامي لو لا ومن كل المجتمعات لازم نحترم بعض لان احنه نساء وبطبيعه المرءه تحب اسولف عن حياتها عن الاشياء الي تزعجها عن تطلعاتها مستقبلا عن كلشي جاي تفكر بيه انتن اذا عدجن واحد تسولفن وياه او صديقات بلحقيقه البعض ماعنده ف يلجئ هنا لهذا البرنامج حته يصير اله متنفس عن خنكه البيت وضغوطات الحياه وهمين من تعب الحمل وكلشي يمر بيه حرام الي جاي اسونه ليش تخلن انفسجن موضع نقد وقله احترام تدرين من تعلقين تعليق غير لائق او سلبي هذا يعكس شخصيتج الغير متحضره الغير انسانيه بصوره صحيحه لان طبيعه البشر الانسانيه والعطف مابيها شي اذا وحده سولف عن شي يخصها بحياتها سواء جاي تنشر عن الحمل او عن البيت او الزوج او العمه او الاطفال او كلشي هاي مواضيعنه احنه ك نساء شعدنه بعد هاي حياتنه ثانيا اكو بنات الله ينطيهم الصحه همين جاي ينشرن قصص حلوه ومعلومات مفيده تدرن احجيلجن عن تجربتي انه ماعندي احد اسولف وياه والله لا صديقه ولا اخت اخت وحده ومزوجه واذا اتصل عليها ادكلي جاي ادرس روحي من عندي وامي ادكلي انه ناسيه اي شي عن الاطفال لان احنه بس ثلاث اخوان وازوجت من هيه صغيره ف ناسيه كلشي يخص الاهتمام بلطفل او الحمل ف اجي هنا يمجن اسئل والحمد لله والله هوواي استفاديت سواء معلومات تخص حيايتي ويه زوجي او العنايه بنفسي واطفالي ليش مانقترب وحده ويه الثانيه ليش تخلن اشياء وتعليقات تافهه تغثن بيها المقابل حرام عليجن هذة الشي ميجوز ثانيا تبليغجن للاداره لازم يكون ع شي غلط مثلا مشكله صايره بين اثنين او شي يستاهل تبلغين عليه تره عيب هاي لسوالف انتن كبار ولله مو صغار مع احترامي للكل وياريت مايتكرر هل شي اختجن ام كرار احب اسمع رئيكم بنات بخصوص هذا لموضوع وشكرا