العضوة: 503965 , 6 years ago

بنات اني مثلكم هم خايفه وشايله هم للولاده عمر ابني من أجيب يصير سنتين وشهرين جبته قيصريه وحامل وماريد عمليه اريد طبيعي يكولون أرحم فدوه بنات شتنصحوني اسوي ؟؟ وين أجيب بيا مستشفى وشكد تكلف الطبيعي؟🥀🥰🥰

العضوة: 487760 , 6 years ago

وانا بعد قريبة اولد بنات منو تعرف مستشفى الهلال كيف تعاملهم لاني يمكن بولد هناك دكتورتي بداوم فيها وشكرتها بس ماادري كلامها صدق او لا

العضوة: 543770 , 6 years ago

@user-487760 قصدج الهلال الاحمر الي بلمنصور والله كولش زينه وتعاملهم زين اني مجربته وحته عنايه بيه ونضيفه

العضوة: 543770 , 6 years ago

@user-503965 اي والله اني هم مثلج وشايله هم يارب يسهلنه

العضوة: 472914 , 6 years ago

@user-543770 حبيتي. شكد. تكلف. ولاده وياخذون رشاوي ؟ اني دكتورتي. ماتولد لاحمومي ولا اهلي وحاليا بسابع مترده. اي مستشفى اولد بيه

العضوة: 543770 , 6 years ago

@user-472914 والله يا حبيبتي اني مجربت الولاده بس صمله عليج جنت حامل باول طفل وقف نبض مالته فسويت بيه كرداش فجان كولش غالي اخذو مني ٧٠٠ ويه ورشاوي هواي ياخذون بس هي يداورن حيل بس كله بلفوس يتعاملون

العضوة: 543770 , 6 years ago

@user-472914 والله هي مستشفيات لخاص كولهن غاليات بس عنايه بيهن والله اختي جربت مستشفى راهبات كولش زين وعنايه بيه اذا تردين بس غالي هم

العضوة: 594221 , 6 years ago

😑😑😑😑اذا تنطين فلوس يشيلوج حته من كاع ويحطوج علا جتافهم بس انطني كم فلس