السلام عليكم ورحمة الله و بركاته صباح الخير يا جميلات في موضوع منرفزني بشكل مو طبيعي ونفسي لو نسوي حملة نطالب ب ابسط حقوقنا اللي هو دخول مرافق معنا مو شرط يكون الزوج لو الام او الاخت او اي شخص نرتاح له ترا وزارة الصحه ما تنمع ذا الشي بس مدري ليه المستشفيات تمنعه شي متعب و مرهق انك تجلسين طول الوقت لحالك تنتظرين الولادة كل الافكار الشينه تطري عليك ماعندك احد يخفف عنك سوا نفسي او معنوي قد اخذت دورة عن الولاده والله شي يقهر اشوف خطة الولادة بس مقدر اسويها لان المستشفى يرفض و يشوفها شي تافه اشوف دخول المرافق و ينعصر قلبي لان ما يسمحون اشوف عدم قص العجان الا بمبرر طبي و انجلط اشوف انه مسموح لنا بالحركة بس اتذكر لما اولد يقولون لا تتحركين و اشياء كثير مسموحه لنا بس هم يمنعونها ؟؟ هذا غير معاملتهم اللي زي الزفت تجلس الوحده تنادي ويروح صوتها ومحد معطيها بال و الله لو تموت وحده ما يدرون عنها من الاهمال وربي اوقات ابكي ليه كذا هذي ابسط حقوقي ك ام يعاملونا على اننا ما نحس ومانفهم و مراح نقدر نولد الا بوجودهم نسوا انه شي فطري و غريزي لازم ندافع عن انفسنا ونطالب بحقنا اللي تتفق معي تسوي رفع