السلام عليكم ورحمة الله وبركاته
لو تتابعون صفحتي بتشوفون كيف كنت ضايعه بين المستشفيات ما ادري وين اولد بالضبط🤷🏻♀️🏩
بعد الاستخاره واالسؤال توكلت على الله وقررت اولد في الشميسي وخصوصا اني تاخرت بالولاده وطوفت وقلت احتمال تحصل لي مشاكل او احتاج لاجراءات والمستشفى هذا معروف باطباءه الممتازين من ناحية التوليد او الاطفال .👍🏼👼🏻
توكلت على الله ورحت لهم (قصة الولاده موجوده في صفحتي⚠️)
رأيي في المستشفى:
( تجربتي كانت في جناح ج تنويم وجناح ب ولادة )
١/ المستشفى حكومي وعندهم اجراءات متشدده لكورونا ، عند الدخول لابد من اجراء فحص ومسحه .
٢/ المبنى قديم نوعا ما لكن نظيف والعاملات مستمرين بالنظافة .
٣/ المكيفات قديمة نوعا ما والتبريد ضعيف .
٤/ الممرضات حنونات جدا جدا جدا ومتعاونات .
٥/ الاكل متنوع ووجبات مختلفة ولكن فقط ٣ وجبات . لابد من احضار سناكات معكم ومويه (مسموح دخول الاغراض لكن ممنوع الزياره)
٦/ الدكاتره جدا جدا ممتازين ومتعاونين وشفافين يشرحون كل شي بالتفصيل 👍🏼
٧/ غرف الولاده منفصله ، التنويم مختلفه فيه ٤ بغرفه واحده وفيه ٢ بغرفه واحدة.
٨/ الدكاتره والممرضات صبورين جدا وما يستعجلون باي قرار ويسمعونك للاخير ويحاولون يقنعونك وما يضغطون عليك وهذا حبيته جدا فيهم .
٩/ الحضانه متشددين وهذا اللي طمني على طفلي عندهم والممرضات حنونات جدا وغالبيتهم من الجنسيه الهندية.
١٠/ بعد الولاده والملاحظة تتم المتابعه وفيه ممرضات موجودين للخدمة ودكاتره ايضا اخصائيه رضاعه واجتماعيه عند الطلب .
١١/ لا يوجد زر نداء عند الحاجة . يعني اطلعي برجولك ناديهم وهذا عيب المباني القديمة .
١٢/ عاملات النظافه وعمال النظافه يخدمونك ويطلعون اغراضك من تحت اذا جاب احد شي من برا المستشفى اكل مثلا او ملابس او طلب من المطعم ولكنهم يطلبون فلوس🤨🤨
١٣/ الرعايه بعد الولاده للمولود اولويه قصوى في الشميسي وهذا اللي حمدت الله عليه لان طفلي تعرض لمشاكل والحمدلله هو بفضل الله بايدي امينه.
١٤/ قرار القيصريه ما يستعجلون فيه نهائيا 👍🏼
تم بفضل الله والصور سأرفقها لكم بالاسفل
العضوة: 723892 , 5 years ago
الوجبات 🍛🥗🍲 كانت متنوعه ومع كل وجبه ماء حار ، عصير ، حليب او لبن ، ماء وهذي بعض الوجبات اللي صورتهاالعضوة: 723892 , 5 years ago
فطور وكان فيه حليب وعصير حطيتهم بالثلاجةالعضوة: 723892 , 5 years ago
اخر وجبه قبل خروجي من المستشفىالعضوة: 723892 , 5 years ago
كانت لذيذه جدا تمنيت بس لو كان حارالعضوة: 723892 , 5 years ago
عباره عن كودو وبطاطا وكروسان وكان فيه وجبه بعد الولاده مشابهه لها باختلاف بدل الكودو برقر لحمالعضوة: 723892 , 5 years ago
جهاز التخطيط وقت التنويمالعضوة: 723892 , 5 years ago
اجراءات احترازيه ضروريه قبل الدخول للحضانه⚠️🌚🌝العضوة: 723892 , 5 years ago
اي سؤال انا جاهزه للاجابة ❤️❤️🙏🏼🙏🏼🙏🏼العضوة: 588584 , 5 years ago
الحمدالله ع سلامتكم هل كانت معك دكتورتك اللي تتابعين معها نفسها وقت الولاده والا حسب الموجود هل عندهم ابره الظهر و يسوونها دايم والا و هل يوجد مبنى جديد للولاده سمعت انو فيه بس ماعرف فتح والا و شكراا لكالعضوة: 764871 , 5 years ago
كان عندك ضغط او سكر حمل وقت الولادة؟وهل يؤثر على الولادةالعضوة: 561909 , 5 years ago
حبيبتي عندي اسئله الله لا يهينك بعد ما ولدتي ورحتي الغرفه عادي زوجك يدخل ولا ممنوع ؟ والسوال الثاني متى ادخل اغراضي واغراض البيبي ؟ يعني اول ما اتنوم ولا لما اولد ؟ والجوال يخلونه معاك عادي ولا ياخذونه واخر شي عندهم ابرة ظهر ولا لا ؟ الله يسعدك ويفرج همك كنت شايله هم المستشفى وانتي ريحتيني الله يريح قلبكالعضوة: 723892 , 5 years ago
الله يسلمك الدكتوره اللي كنت اتابع معها كانت بمستشفى خاص وعطتني ارقام خطا بقراءه السونار قالت وزنه ٣.٧٠٠ ولما شفت اشاعه الشميسي وانا داخله طواري تنويم طلع الوزن ٢.٥٠٠ وهو الصح اللي طلع بعد الولاده . يعني متابعتهم واجهزتهم اضمن . ابره ظهر لا ما عندهم لكن عندهم ابر مسكنه . ايه فيه مبنى جديد لكن للعيادات فقط مو للتنويم والولاده .العضوة: 723892 , 5 years ago
لا الحمدلله ما كان عندي بس شفت حرمتين بالتنويم كان عندهم سكر ومره مهتمين فيهم ويتابعونهم وحريصين عليهم 👍🏼 الضغط احيانا ياثر بس اهم شي تكونين مع مستشفى كويسالعضوة: 723892 , 5 years ago
لا ممنوع عشان كورونا قبل كان عادي . الان كل الزيارات ممنوعه . اغراضي دخلتها معاي بالتنويم قبل الولاده بيومين وما نقص منها شي بالعكس هم جابوها لي من التنويم لغرفه الولاده . الجوال ايه طبعا عادي بس وقت الولاده كل شي حطيه بشنطه وقفلي عليه عشان اذا فيه اجراءات سريعه ما تضيع منك. لا ما عندهم ابره ظهر فقط ابره مسكنه بالعضل امين يارب الله يسهل لكالعضوة: 561909 , 5 years ago
يعني قعدتي اربع ايام وممنوع حتى زوجك يدخل ؟ ولا يقدر يشوف البيبي ؟؟ طيب انتي طلبتي ابرة ظهر وقالوا لك مافي ؟ ومين طلع لك اغراضك وشنطة البيبي ؟