بنات انا ولدت الحمدلله وليا 3 ايام مخلصه الاربعين ، بحكي لكم قصتي انا كنت اعاني من الطلق في شهري التاسع طلق كاذب او الطلق الغير منتظم ، وكنت باخر اسبوع في التاسع سخنت وتعبت روخت لمستشفى عشان يصرفولي علاج لسخونه والتهاب الحلق ، قالولي لازم اعمل تخطيط لبيبي وعملو لي فحص ، لقو الرحم فتح اثنين سانتي ، بس ما اهتميت ، بعد ما عملو ليا التخطيط قالولي لازم ادخل عمليات اضطراري لان البيبي نبضه مرتفع ل200 ، انا خرجت ع مسؤوليتي ، ما صدقتهم واطمنت في مستشفى حكومي ، وبعدها بكم يوم جاني الطلق اللي ما خلاني اناام ولا اجلس ولا اتحرك ، طنشت الطلق ، وكان عندي مراجعه اخيره اليوم التاني روحت لمستشفى وقتها فتح الرحم عند 3 سانتي ولله الحمد ، وقالولي اخرجي امشي كتير وتعاليلنا ع الطوارئ بعد 4 ساعات ، يكون الرحم فتح اكتر، وانا سحبت ولا عاد رجعت لهم ، كان يوم ثلاثاء المراجعه ، ورحت امشي ع البحر وانبسطت ونسيت الم الطلق ، رجعت البيت اتحممت بمويه حااره لمدة نص ساعه ونمت ، رجع الطلق يجيني كل دقيقتين الى ثلاث ، ونمت براحه طمنشت وقولت ما ابي اعجل نفسي ، واتحملت الى اخر الليل يوم الاربعاء ، وبعدها قولت لزوجي خلاص لهنا ما اقدر اجلس ، احس بورم من تحت ، روحت لمستشغى وعملو ليا فحص وقالولي رحمي فاتح 6 سانتي طلعوني لكشك الولاده ، بعد ساعه من تجهيزي ، جا الدكتور وفتح موية الجنين ولاقها خضرا ، وبعدها قالي احتمال ندخلك عمليات ، رفضت بشده اني ما تدخل دام الرحم فاتح 6 سانتي ، قالي الدكتور البيبي نبضه تعبان ولازم نولدك ، كنت مصره اني اولد طبيعي ، انتظروني ساعه ولقو نبض الجنين استقر ، و اعطوني طلق صناعي بالوريد ، ومسكن فيه مخدر ، انا صرت ما استوعب اي شي حولي ، ولا عدت نص ساعه الا نبض الجنين اختفى ، اضطرو انهم يبصموني اجباري ع العمليه و دخلت غرفة العمليات وانا مو مستوعبه اي شي حولي غير اني كنت اقوم اصرخ ع الم الطلق وارجع اتخدر واقولهم ابغى مسكن ، وانا ع سرير غرفة العمليات قالي الدكتور تحسي بدفع قولت له ايوه احس بشي بيخرج ، فحصني ولقى الرحم فاتح 8 سانتي بس ما قالي بس قال لدكتوره اللي معاه بالانجليزي وانا فهمت ، اعطوني كمامه وخدروني ، وكم مره قمت عليهم وانا بفمي الكمامه ، وانفجعو ، و ولدت في الاخير قيصري تعرفو اش السبب ي بنات وندمت عليه ، وهي ماهي الا اقدار من رب العباد ، ومكتوب لي القيصري ، لكن انا كنت بشهري الاخير مع الطلق الكاذب اشرب خرابيط مثل الاعشاب وكف مريم والقرفه والمشروبات الحاره الجنيم ما تحمل مع الطلق والمشروبات هذي فنبضه ضعف ، والحمدلله ، كنت باخر لحظه بولد طبيعي لكن انكتبلي قيصري ، وجاني اكتئاب بسبب العمليه وكنت مو مستوعبه ليش عملو ليا العمليه ، اخر مراجعه ليا سألت الدكتوره اش سبب العمليه ، قالولي ان نبض الجنين اختفى وكانت مبرزه في بطني اضطرو يعملو العمليه عشان لا تشرب ولا تستنشق برازها ، والحمدالله ع تمام الصحه والعافيه ملاحظة : نصيحتي لكل حامل بشهرها الاخير لا تشرب مشروبات حااره يسبب لها ضرر للجنين وهي ما معها طلق ولا رحمها فاتح ، عليكم برطب ، والمشي ، والاستحمام بمويه حاره او تعملي مغطس مويه حاره مده طويله منها يسترخي جسمك ، ومنها يفتح رحمك بدون ما تتألمي .