الحمدلله ولدت البارحه اخر دوره ٧/٢٣ راح احجيلكم قصتي علمود الكول يستفاد راح اكتب بلفصحه علمود الكول يستفاد / قصه ولادتي اني من حوامل شهر ٧ المهم اخذت سونرفي الشهر ٨ وطلع نسبت ماء الجنين ١٠ الكول قال طبيعي بس اني خفت لان جان توكع علي فرازات مااعرف ماء المهم وطلعت البنت نازله بلحوض جدا السبب لان اصعد وانزل السلم (الدرج) كثيرا وصلت للتاسع ويوميه اكول راح اولد بس ماكو بس تقلصات والم دوره يروح ويرجع عدت السونر ٥ يوم بلتاسع طلع الماء ٨ كلتلي بكيفج ترحين للمستشفى لو الدكتورتي خليت ورحت الدكتورتي كلتلي ماما كولشي طبيعي وتجين السبت يعني وره موعدي كولت اوك كولت خل اعيد السونروره ٤ ايام بلكت الماء صعد لانو مبقيت شي مسويته علمود الماء والوزن ها صح كلتلي الدكتوره وزنه ٢٤٣٠ رحت عدت السونرطلع الماء ٧ وبدايت تكلس بلمشيمه والوزن ٢٥٧٠اني انجنيت خفت رحت الدكتورتي تكولي اي عادي ابقي للاحد يعني بعد ٩ ايام اني طلعت الدنيا من عيني احجي ويه الدكتوره متقبل اتكولي تدخل حضانه وتموت اني خفت كولتله عادي على مسوليتي وهم مقبلت من رجعنه للبيت حجيت وياهم كلتلهم والله علمود الفلوس تريد الاحد لان دوامه بلاحد زوجي كال خل انكوله على الثلاثاء ومستشفى اهلي اذا قبلت معناته علمود الفلوس خلت وقبلت اني خابرت على دكتورتي قديمه كولتله هيج حالتي كالت هوايه تبقين للثلاثاء وهيه تريد ابقه ٩ ايام المهم اجه يوم العمليه وخدروني موضعي لان صدفت صرت افلاونزه واكح ومنشوله يعني تمرضت قبل يوم من العمليه المهم جان تسويلي واحس ايهزون بيه هز كولتله دكتوره اذيتيني كلتلي بس اطلع البنيه لان لازكه لان ماكو ماءواسمعهم يتكلمون ايكولون شنو هاي نقطه ماء مبيه وشوفتني اياه طلعت زرقه ويابسه نقطه ماء مبيه حتى المشيمه لازكه المهم طلعوه صح وزنه قليل بس احسن مافقده العبره مو دائما نمشي وره كلام الدكاتره المهم هسه بنتي يمي والبارحه طلعت من المستشفى بس ميته من الوجع مال ضهري ورقبتي وبطني فدوه انصحوني شنو اسوي ويارب ايسهل على كل وحده