اخر دورة كانت 11 /2 الحمد لله ولدت قبل موعدي ب 5 ايام ب 13 / 11 يوم الاثنين اتاخرت عليكم لنز.ل قصتي بس ما كنت قادرة احكيلكم... بلشت ولادتي بطلق بارد يوم كامل يروح ويجي 😥 وانا بكريه ومو فاهمه شي ومو عارفه اذا هاد هو الطلق ولا لا رحت المشفى حكولي الرحم مسكر وبدك 10 ايام اتحطمت نفسيتي حكيت بدي ضل هيك اتوجع كل هالفترة رجعت ع البيت وخف الوجع لتاني يوم الظهر رجع الوجع وكان اقوى وما كنت اقدر اتحمل الطلقه تروح وترجع مرة كل ربع ساعه مرة عشر دقايق ومو فاهمه شي 😥😖 ضليت هيك لل12 بالليل رحت المشفى لقيت ممرضه زنخه مو عاجبها وما بدها تشتغل فحصتني حكتلي مو ولاده 1 ونص وهاد مش طلق هاد نفاخ انخنقت منها ولو قادرة احكي متل العالم كنت رح اتمشكل معها 😂😂وامي وحماتي كانو بيحكو مع بعض وانا مو طايقه اسمع صوت نفسي اسكتهم 😂😂 ومو متحمله حد يحكي معي المهم رجعت ع ال7 الصبح ورجعوني كان 2 ونص رجعت ع البيت شربت علبة خروع صار الوجع يزيد ومش قادرة اتحمل ع الظهر رجعت فحصوني كان 3 ونص الحمد لله دخلوني وحطولي جهاز التخطيط وقعدت بالغرفه لحالي استنى واصرخ من الوجع ولانه ما كنت نايمه صرت بين الطلقه والطلقه انام واشوف احلام 😁😂 شي تخبيص المهم بس صار 6 طقولي مية الراس وبلش يوسعولي لصار 10 اشي اول مرة بشوفه بحياتي الوجع... ما كنت بتوقع هيك انصدمت بس الحمد لله ولدت بنوتي وكنت طايره فيها مع انه اتقطبت وصار عندي باصور قبل يومين لقمت متل العالم ... بس الحمد لله مع انها اصعب تجربة بحياتي والممرضات حكولي انتي اشطر بكريه بتيجينا مع انه حسيت حالي طولت 😄 طولت عليكم بس حبيت تعرفو اول تجربه الي بالحمل