مرحبا يا ريت الكل يفيدني بشي نصيحة تفيدني قصتي صعبة شوي و حابة شاركم فيها لان بالصدقة تعرفت على لتطبيق جديد . انا حاليا حامل بشهر التاسع طلقني جوزي كنت بالسابع بعد ما شبعني ضرب و اهانات. بعد الطلاق رفض يعطيني حقوقي و هو اصلا وضعه على قده بس نكر حقوقي كلا. طلعت من البيت يلي بالاساس هو بلاجار و هو راح سكن بغرفة مع رفيقه و انا في ناس دبرولي غرفة عند مرا كبيرة بالعمر. و انا مصبحة و ماسية باي دقيقة ممكن اولد و عو رافض يعطيني مصاري عالاقل لاولد بس و يقلي ولدي بالبيت. و للعلم انو حتى زيارات الدكتورة اختصرتا كتير لانو ما معي ادفع كل مرة و من شهر ما رحت بطمن عالولد من حركته. انا باليونان قاعدة عند المرا الكبيرة بس ما بعرف شو اعمل و ما معي وراق ولا شي و اذا بدي ارجع لبلدي تهريب و بدن مصاري وانا والله ما معي ابدا و حامل ما ممكن غامر بحالي القليلة مشان الولد يلي ببطني. حدا ينصحني او يقترح شي حل يريح راسي