كيفكم أخواتي النساوين يلي كل وحدة بطنها مترين لقدام؟😁 اولا كل عام و انتم و الأمة الإسلامية بألف خير... ثانيا كيفكم مع الحمل؟ ثالثاً و هو الأهم حابة أذكر العديد من الاخوات ان رب العالمين جعل للصيام مبطلات الكل بيعرفها و خاصة الدورة و النفاس و كمان هو جعل للصيام مبيحات افطار... يعني انه بيجوووووز للحامل (مش انه مفروض) ان تفطر في رمضان اذا شافت ان الصيام فيه خطر على حياتها او حياة البيبي لا قدر الله و هذا شيء بيحدده الدكتور طبعاً.. و الصيام مفيد جداً للحامل اذا هي برمجت وجباتها بشكل صحيح و اختارت المناسب من الاطعمة و السوائل المفيدة.... تمام؟ ثاني شي و هو الاخطر انه كثير حوامل بيفكرو ان رب العالمين رخص لهم الافطار و مافي عليهم شي!! لااااا حبيباتي الحامل اذا أفطرت عليها قضاء عن كل يوم بعد رمضان و بعد الولادة طبعاً فهمتو؟؟ انا حبيت احكي بهذا الموضوع لان صديقتي للأسف افطرت اغلب رمضان الماضي و لليوم ما صامت ولا يوم قضاء مفكرة انها رخصة بدون مقابل🙍😫 أتمنى تفيدونا بآراءكم