العضوة: 507404 , 6 years ago

ايه يابنتي والله غير بزاف صعيبة راني شيفة روحي كي انعود معاه نلبس غير لخفيف وكتير احيان غير هكاك وكي يعود مكانش نحشي القش والزورة وانبات بردانة بسلامتك😖😖😖😖

العضوة: 534682 , 6 years ago

@user-507404 ايه والله الراجل دفا سوغتو هذاك لي جاي مولف مرتو بالحنانة وكل وقت مدخلها في عبونو تما كي تبعد عليك تمرض هههه كي حالتي بصح مرات تغيضني نقول اييه دارنا لي مانحب نروح فحتى بلاصة من غير دارنا نستراح في بلاصتي ودوكا رجعت النعاس يطيرلي في دارنا وكي نروح لداري يجيني واحد النعااس والله تغيض نحس روحي برانية نقول ويني منال بنت الدار دوكا وليت كي نجي نطيب حاجة في دارنا تتلفلي وماما روماركيتها ولات تتنوا تقولي ايه يا منولة وليتي ماتحسيش روحك الاز في داركم خلاص ماوليتيش بنت الدار ؟ نقولها لالا ماما والفت بلاصتي برك

العضوة: 569009 , 6 years ago

صباحكم فل وورد وياسمين .كيف صبحتوا

العضوة: 507404 , 6 years ago

@user-534682 والله غير صح تصرة بزاف. تحسي روحك غريبة في دركم وثقيلة عليك لبلاصة حتى انا يظل يعيرو فيا امبصح ربي يسهل عليهم اخاطر لمرأ لزمها غير درها ورجلها وبلصتها تولفي على روتينك تبدلى لبلاصة تكرهي

العضوة: 534682 , 6 years ago

@user-507404 وي جوستومون بصح انا في دارنا مور ماتزوجت راهو واحد الدلال بعدا كي رفدت هههه والله مالقاو وين يحطوني بصح هكاك ومكاش كيما بلاصتي بصح كي نروح لداري نتوحشهم كيما قاتلي ماما فهمي روحك هههه لازملي نروح نضل والمبات نبات عند راجلي

العضوة: 534682 , 6 years ago

@user-569009 لباس الحمدلله ونتي كيفاش صبحتي ؟

العضوة: 507404 , 6 years ago

صبحك الله بالخير

العضوة: 569009 , 6 years ago

واعرة بزاف مي يغيب عليك الراجل ياختي مايحس بالجمرة غير ليكواتوا...انا خمس أشهر وحنا بعاد على بعضانا انا وليت كل سمانة في الطبيب مرضت بلا بيه وهوا تاني مسكين عاد يضل يحكي معاي وميرقدش الليل كامل

العضوة: 569009 , 6 years ago

لباس الحمد لله

العضوة: 569009 , 6 years ago

تعيشي حبيبة يسلمك .راكي لباس

العضوة: 534682 , 6 years ago

@user-569009 خوفتيني 😢😢😢😢 انا راجلي بلاك يروح يقعد عام ونص بعيد عليا والله كابابل نهبل راني يومين توحشتو 😭😭

العضوة: 507404 , 6 years ago

ربي يكون فالعون ويعطينا الصبر وخلاص الحال صعيب

العضوة: 569009 , 6 years ago

بشوي برك حبيبتي على روحك لازمك قوة كبيرة ، انا والله سوفريت بصح درك الحمد لله...حتى عدت نحس روحي تقيلة على دارنا ودار حمويا . .بصح والله مساكن وقفوا معاي حتى جاء راجلي وداني معاه

العضوة: 507404 , 6 years ago

علاش تخافي ياربي يجي البيبي ويجيب الرزق معاه ومايروح لا والو

العضوة: 569009 , 6 years ago

امين