العضوة: 680350 , 5 years ago

ان شاء الله ختي واش داخلة لمجتمع حياة و كوكباد

العضوة: 739343 , 5 years ago

السلام عليكم ورحمة الله وبركاته انا من مدينة الدار البيضاء و حاملة ف الشهر الثالث، الله اتمم للجميع بالخير

العضوة: 696389 , 5 years ago

وا البنات كيفاش عملين انا من طنجة حاملة وعندي 7شهور سمعو مشيت لطبيب لول قالي ولد مشيت لطبيب تاني قالي بنت انا غنورسكم واللي كتعرف تقولي شنو كاين

العضوة: 667257 , 5 years ago

الله يكمل عليكم بالخير البنات. واحد سؤال أنا عاطياني طبيبة كينة دالحديد وقاتلي متشربيش أتاي حيت كيمنع لإمتصاص دالحديد وأنا كولشي عفيتو لا حليب لا عصير لا والو من غير أتاي لي مكنتش كنشربو فالوحم دبا ولا عندي عزيز وكنفطر غير بكاس وصافي. شكون بحالي كانت كتشرب أتاي وموقع لجنين والو نخاف يخرج فيه فقر دم أو بوصفير

العضوة: 659919 , 5 years ago

وهي نصيحة متشربيهش مي إلا جاك فالوحم حاولي تبعديه على الدوا مرت خوية بحالك كان فيها فقر الدم وشربات اتاي والحمد لله ولدات وليد غزال راه عندو عام ونص الله يحفظو

العضوة: 659919 , 5 years ago

اه بصح انتي ملي تقربي تولدي دوزي عند طبيبة خاصة وشوفيها اش تقوليك واش عادية ولا فتيح والسويسي إلا ضورتي مع الفرمليات والله اختي حتى يتعاملون معاك كيف كلينيك خاصك غير تجيبي البزطام عامر ههه الله يفرحك

العضوة: 659919 , 5 years ago

اختي والله منعرف كل طبيب واش كيطلب المهم مرت خاي كانت غتولد عادية بشي 30 ولا 40 حتى صدقات فالفتيح كنظن والله أعلم خلصات مليون وشي حاجة وممتاكداش

العضوة: 462286 , 5 years ago

أنا من مدينة الناضور، عايشة ببلجيكا عندي سبع شهور ونتما

العضوة: 582651 , 5 years ago

@user-659919 اللهم امين يارب انا وتنا وكل واحدة الله يسهل ما صعاب علينا تنا شحال عندك دابا وشمن مدينة

العضوة: 659919 , 5 years ago

آمين يارب انا دابا فالسيمانة الأولى السادس من الرباط

العضوة: 582651 , 5 years ago

@user-659919 تبارك الله ربي يعينك على لي بقيلك ويعيطك واقفة سهلة شنو عندك اذا كنتي شوفتي

العضوة: 667257 , 5 years ago

@user-659919 يعني أختي دوا نشربو فالغدا ماشي فالفطور. حنا فتازة إلى بغيتي تولدي فالكلينيك كتولدي بالفتيح واخا نتي أمورك مزيانة كيخرجولك المشكل من جنب باش يفتحوك بمليون و60 ألف

العضوة: 659919 , 5 years ago

آمين يارب حنا وياك والجميع عندي بنيتة ان شاء الله

العضوة: 659919 , 5 years ago

المهم إلا كنتي تشربي الدوا فالصباح شربي اتاي عشية والعكس فهمتي انا اختي عام واكتر مكنشربوش حيت كان فيا فقر الدم الحاد داكشي علاش قطعتو وولفت نشرب حليب واخة كنرضو ولكلينيك ياختي راه شفارة الله يعفو عليهم مكيعرفوش بنادم راه معندوش

العضوة: 667257 , 5 years ago

@user-659919 إن شاء الله أختي شكرا. إوا الله يهديهم أنا بغيت نولد فالكلينيك ولكن بالفتيح مبغيتش نمشي غير لسبيطار ديال دولة. الله يفكنا على خير وجميع المسلمات