العضوة: 716814 , 5 years ago

@user-703171 انا كمان حامل وبولد طبيعي وكنت حابه أخذها لاكن لما عرفت انو ممكن توجعلي ضهري بعد الولاده او فيها خطر قلت ماراح أخذها ربي يقومنا جميعا بسلامه ولولادة طبيعيه حمدالله وجع بس وقت لولادة وييروح خلاص مش متل لقيصريه تبقى ١٠ ايام بعد الولادة ماتقدر تحرك

العضوة: 559470 , 5 years ago

السلام عليكم بنات انل بعد حاطة في بالي انشاء الله اخد ابرة الظهر لان بولادتي الاولى عدبني الطلق الله يسهل علينا يارب

العضوة: 737394 , 5 years ago

وعليكم السلام حبيبتي تنكتب (إن شاء آلله) ليكون المعنى صحيح ربي يسعدج. أما بخصوص أبرة الظهر فأنا بعد محتارة، لكن أشوف صديقتي استخدمتها في آخر ولادة لها .. فكانت تقول لو أدري عنها جان استخدمتها فكل ولاداتي، وبنفس الوقت اشوف ناس يذمون، فأحس أفضل شيء يتم نقاش هالأمر مع الدكتورة عشان تقولج عن وضعج بالضبط وثم استخيروا .. الله يعين وييسر.

العضوة: 590546 , 5 years ago

السلام عليكم ، انا ان شاءالله هاي ثالث حمل لي الله يتمم على خير يارب وبولد في سدره ان شاءالله والحين فالاسبوع ال28

العضوة: 590546 , 5 years ago

وافكر ان شاءالله باخذ ابرة الظهر لان كل حملاتي خذتها وماحسيت بألم الولاده الحمدلله في بكري ماسوتلي مضاعفات الحمدلله بس شوي خلت الدفع عندي صعب لان ماحس بألم عشان ادفع وبحملي الثاني سببت لي لوعه قويه بعد الولاده وتميت ارجع وارتفعت حرارتي بس لمدة ساعه تقريباً لان شربت ماي قبل الولاده الافضل اللي بتاخذها اتم صايمه وكل اجر من ربي ان شاءالله بس ان شاءالله مافكر اولد بدون مااخذها

العضوة: 559470 , 5 years ago

@user-590546 يعني ما تحسين بشيء نهاءيا في بنت قالت لي لازم تخبرينهم من قبل عشان يسون لج فحص دم عل هشيء صحيح ولا اخليها لين يوم يجيني الطلق وقولهم عنها

العضوة: 590546 , 5 years ago

@user-559470 اول مايحطونها لج يروح الالم نهائياً بس بالنسبه حق فحص الدم عشانها ماعندي فكره انا اوردي اسوي تحاليل قبل الولاده ماعرف اذا عشان ابرة الظهر او لا واذا تبين تاخذينها الافضل تقولين حق دكتورج قبل يكتب في الملف

العضوة: 610064 , 5 years ago

أنا جربتها مرتين نعمة الصراحة وأخرولاده لي بنتي كان وزنها ٤ كيلو ولا حسيت بشي بس الموقف السيئ اللي صار اللي عطاني الابره كان متدرب والدكتوره مالت التخدير كانت موجوده بس ما سكه ملف وتقره فيه والمتدرب كان خايف حط الابره غلط وطلع الادوه من الصوب الثاني حتى القابلة صرخة من الخوف وعقب جات الدكتوره وسحبت منه الابره وهي كملت ومادريت الا اخر شي انه متدرب بهد هالموقف ويوم صرخة عليه الدكتوره

العضوة: 610064 , 5 years ago

بس في بجري كان الدكتور مغربي كبير في العمر يسولف ويضحك معاي ولا حسيت بشي ويوم خلص عطاني نفس جهاز صغير قالي كل ما يزيد الألم تضغطين عليه يدف زياده دوه وتم يضحكني لأني كنت أصيح وهالموقفين في المرأه والأبحاث فكله بالحظ بس لازم تطلبونها اول ما تدخلون الطوارئ لانه يكون دكتور واحد ويدور على المرضى كلهم

العضوة: 605219 , 5 years ago

مسا الخير ، انا ماسبق لي خذتها بس كانت مفكره اغامر واخذها هالمره بس للأسف قالوا لي لازم يكون الدم زين وانا عندي ثلاسيميا ف اللي عرفته ان إذا في مشاكل ف الدم يمكن مايعطوني اياها 🤷🏻‍♀️ واغلب اللي خذوها حولي قالوا نقاط مشتركه وهي انها تأخر الدفع لان مايحسون بشي وصداع بعدها كم يوم ويخف وبعضهم في وجع ظهر وبعضهم لا ف اعتقد كل جسم وطبيعته وتحمله لمثل هالأمور .. استشيروا الموضوع مع دكاتركم احسن هم ادرى بحالاتكم وهل ينصحونكم او لا

العضوة: 703171 , 5 years ago

السلام عليكم بنات انا بالثامن وظهري يعورني وايد صوب العصعص ، انا بالعادة عندي الم فوق صوب الاكتاف والرقبه ف حاليا احس ظهري كلله يعورني وماقدر انام ولا اتم واقفه ، هل طبيعي العصعص يعوور هالفتره هااكثر ؟ وهل له علاقه لو تم يعورني انه مايعطوني ابرة ظهر ولا ماله علاقه 💔

العضوة: 723164 , 5 years ago

@user-703171 طبيعي الم الظهر في الحمل بالذات في الشهور الاخيره لما يزيد الثقل اذا تحسين شي غير عن الطبيعي او مو قادره تتحملينه روحي للدكتوره

العضوة: 628885 , 5 years ago

صباح الخير شخباركم ياخوات من مرت بحالتي نفسيتي تعبت كل مافكر بجيب شي لي ولاللبيبي يجيني خوف مو طبيعي من الولاده مدري ليه نفسيتي تعبت والله بس انا كذا ولا في حد نفسي طمنوني

العضوة: 614860 , 5 years ago

هدي_ام_محمد صباح النور لا تحاتين الولادة ألحين مو مثلها أول لو بتولدين طبيعي اخذي ابرة الظهر وماراح تحسين بالطلق والألم اغلب بنات هالوقت ياخذونها والحمد لله مافيه الا العافية حتى تشوف البيبي وهي مبسوطه بدون ألم .. الحمد لله نعمه من ربي وحتى لو قيصري ماراح تحسين بطلق وتطلبين مسكنات بعدها وماتحسين بالالم اللي كانو يعانون منه اول بالولاده الزمن تغير مفروض تفرحين ربي بلغكم انتي والبيبي التاسع بالسلامة وراح تشوفينه انبسطي وتسوقي واكشخي انتي والبيبي هذي لحظه حلوه لاتخربينها بالخوف والتفكير السلبي فوضي أمرك لله وقرري أنك راح تنبسطين بهاللحظات ولا تركزين على أي شي ثاني واطلبي ابرة الظهر ولا تصدقين الخرافات حولها اي اعراض تستمر بعد اربع ايام من الولادة هذي مو من ابرة الظهر تكون الام عندها نقص فيتامينات او مشاكل ثانية الابرة بريئة من كلامهم الله يتمم لنا ويبلغنا الشهر التاسع ويهون علينا جميع 💕

العضوة: 628885 , 5 years ago

حبيبتي ربي يطمن قلبك اللهم امين ونولد ونقوم بالسلامه حبيبتي ♥️♥️