بسم الله الرحمن الرحيم و الحمد الله من قبل و من بعد و الحمد الله حتى يبلغ الحمد منتهاه بخبركم تجربة ولادتي انا بكريه و كنت حامل ببنوته و احب اقول ل كل بنت خايفه من الولاده لا تخافي هذا الشي ربنا فطرنا عليه و هو ما رح يحملنا ما لا نطيق تجربتي بختصار مع وصول الشهر التاسع بديت المشي اليومي كل يوم امشي ساعه ولا ساعتين و يا بنات لا تتكاسلوا امشوا قد ما تقدروا لان المشي يسهل الولاده امشي بالليل و ارجع متكسره اتسبح و انام امشي بدون استراحه مشي سريع و قوي يعني مب مشي مال دلع لان ما ينفع 🤣 و ما كنت اشرب شي لا قرفه ولا زنجبيل ولا شي المهم الله يسلمكم قبل موعد الولاده بأسبوع بديت احس بثقل نازل ل تحت يضغط على منطقة العانة و نزلت السداده المخاطيه مع دم استمر يومين طبعا دم شويه بس ثقيل مخاطي فعرفت انه موعد ولادتي قرب و رحت اشتريت زيت خروع من الصيدليه لان يقولوا انه زيت الخروع يسهل الطلق و يقرب الولاده و اشررب منه ملعقتين كبار طبعاً جاني اسهال 🤣و باليوم الثاني الصبح حسيت بألم مثل الم الدوره الشهريه يجي و يروح كل نص ساعه و مع مرور الوقت يشتد الالم و تتقارب الطلقات استمرت الطلقات للساعه ١٢ بالليل انا هنا ما عاد قدرت اتحمل و رحت ع المستشفى طبعا انا انتظرت ل اخر لحظه لان كنت حاطه ف بالي اريد كل شي طبيعي يعني ما اريد ابره مالة الظهر ولا اريد طلق صناعي و انا لين اخر لحظه مع الالم امشي و اساعد نفسي و كنت حاطه ف بالي انه الولاده شي طبيعي وما يألم و كل النساء بالكره الارضيه ولدت اصغر مني و اكبر مني و بعد عايشات بخيام و ولدن و الحمد الله و يمكن هالفكره هي اللي ساعدتني المهم قبل لا اروح المستشفى غليت نعنع و شربت كاستين كبااااار مع دبس تمر لان النعنع يرخي عظلات الرحم و لما وصلت المستشفى كان الرحم فاتح ٦ سانتي و بعد ساعتين ولدت طبعا الولاده تألم لكن كله بأجره و عادي الم منسي و اقدر اتحمله ولا تصدقوا اللي يهولولكم الم الولاده و يخوفوكم كله تيسير من عند الله و اهم شي الدعاء و نصيحه مني لا تحطي ببالج تاخذي ابر لان عقلج الباطن بيتغذى انه اذا ما اخذتي هالابره الولاده بتتعسر و بعد من توكل على شي انكله الله اليه ف توكلي على الله بس ولا تروحي المستشفى الا و انتي خلاص منتهيه لا تروحي و فيج الم بسيط و التصيحه الاخرى و انتي تولدي لا تصرخي لا قولي يالله بصوت عالي اذكري الله يعني صياحج خليه عباره عن ذكر الله و دعاء لان فيه حريم يقعدن يسبن و يهاوشن الممرضات و يصارخن وش الفايده 🙄🙄🙄الممرضه بالنهايه جالسه تساعدج و السب ما رح يفيدج و كل شي بأجره احتسبي الاجر عند الله ...بالنسبه للولاده ان شاء الله اعيد التجربه و تذكرن دائما الولاده شي طبيعي فطر الله عليه كل انثى و تذكري انه جداتنا ولدن بخيمه بدون لا دكتور ولا شي ان شاء الله اكون ما نسيت شي ❤❤