السلام عليكم كيف حالكم بنات ♥️ حبيت اكتب لكم تجربتي مع ابرة الظهر يمكن وحدة منكم تستفيد 🤭♥️ انا كنت من حوامل 18 يناير ، وكنت خلصت شهري واخذت خمس ايام زيادة وما ولدت ولا صار عندي توسع الا 1 سم وكان عندي التهاب في الدم ف الدكتورة قالت لي ما يحتاج نصبر اكثر يمكن ما راح يجيك الطلق الطبيعي وكمان لأنه عندي التهاب ف خطر على البيبي ف اتفقت معاها على يوم الاربعاء اني اروح لها وتعطيني طلق صناعي ، استخرت يوم الثلاثاء في الليل وصار الصباح ورحنا انا وزوجي ، قبلما تعطيني طلق صناعي سوت لي تحريض لعنق الرحم وركبوا لي المغذي تبع الطلق الصناعي ، واعطوني حقنة شرجية الله يعزكم ومنعوا عني الاكل والشرب تماما ، الساعة 11 ركبوا المغذي وبدأ عندي الطلق وطبعا كل بين فترة وفترة يجوا ويركبوا جهاز التخطيط ، طلقي كان كل 3 دقايق ووصلت الساعة 5 عصرا وشافوا عنق الرحم وما صار توسع مع الأسف بس عنق الرحم صار لين ، ووقفوا عني المغذي وسمحوا لي آكل بس وقتها كان بدأ طلقي الطبيعي وكان كل 5 دقايق ، الدكتورة قالت لي حاولي تنامي وترتاحي وبكرة نبدأ من جديد ، بما انه طلقي كان كل 5 دقايق ما قدرت انام الا ساعة او ساعتين بالكثير ، وطول الليل صاحية لين الصباح