اقولكم وش سويت عشان اولد طبيعي لكن كل شي بمشيئه الله مالنا فيها يد بس هي مسببات واسباب والباقي على الله انا سويت التجربه لكن اي احد ناري يسوي شي يتوكل على الله ويستخير قبل كل شي ❤️ اول شي انا من حوامل ابريل ٤/٧ وأكون في التاسع تقريبا ٣٩ و ٦ ايام يعني بالاسبوع ال٤٠ سويت كل الطرق ليجيني الطلق ماخليت شي من جماع ولا مشي ولا قرفصاء ولا زيت زيتونن وادهنه على ظهري وبطني لكن سبحان الله ماجاب فايده وكنت متوقعه انه راح اولد قيصري لان عندي قبل عمليه واللي بعدها طبيعي فكان نسبه الولاده الطبيعي عندي ٩٠٪؜ سبحان الله قريت موضوع وحده كاتبه عن منقوع الزعفران وانه سبحان الله يفتح الرحم (مو يسبب طلق بدون فتح الرحم )وانه كويس للرحم ويفتحه بسرعه قريت كتير عن هالموضوع بالمنتديات وعرفت طريقته وهي منقوع الزعفران حطي بكوب نصه ماء ورد اصلي وزعفران ملعقه صغيره وحطي فوقه مويه ساخنه عشان يصير الكوب كامل مويه وغطيه واتركيه تقريباً نص ساعه واشربيه وهو دافي بعدين شربته الساعه ١ بالليل قمت ارتب البيت واشتغل وانظفه لين ٤ الصبح وبعدين تروشت بمويه دافيه مررره والمويه اكثر شي على ظهري وبعدين نمت ماصحيت الا ٩ الصبح وعندي اسهال قوي وتحجر ببطني استغربت ودخلت الحمام وانتم بكرامه مااقدر اوقف من الاسهال ويوم قمت والله ان مويه البيبي انكبت كانها شلال وخفت على البيبي وانا بقريه بعيده عن المستشفى تقريبا ١٠٠ كيلو ورحت المستوصف والمويه تنزل علي كتير واخذوني بالاسعاف تقريبا نص ساعه وصلنا المستشفى ويوم وصلت كشك الولاده الا الدكتور يفحص وانصدم لقاه ٩ سانتي ماعطاني فرصه البس ولا ابدل قال ولاده دخلني غرفه الولاده وكلها ربع ساعه تقريبا دخلت غرفه الولاده ١١:١٥وربع وبنتي طلعت ياربي لك الحمد تقريبا الساعه ١١:٤٠ دقيقه وخيطني ربع ساعه صارت ١٢ تمام الظهر وجلسوني بالكشك ٣ ساعات ونقلوني غرفتي والله فرحه شوفه بنتي نستني الولاده كلها 😂😂 يارب لك الحمد ويارب ااجرنا على تعبنا حبيت افيدكم قدر المستطاع وادري كثرت عليكم بالهرجه وان شاء الله كلكم تولدون وانتم وبيبياتكم بصحه وسلامه🤲🏻