العضوة: 370699 , 7 years ago

اول عشر ايّام من النفاس تكونين تعبانه و هلكانه تحتاجين تعوضين الدم اللي راح لازم اكل صحي و ثقيل و لهوم و حلبه و عنايه و المنطقة اول بأول تتنظف و للي حابه ترضع ترعص على الحلمه و تعقمها بحليبها و ترضع البيبي هذا احسن معقم للطفل قبل الرضاعة . ثاني عشر ايّام من النفاس تبدين تسوين تقشير البشره للبيت و تمشين مشي خفيف ملاحظه : لا تقطعين حبوب الحمل من فيتامينات و كالسيوم علشان شعرج لا يطيح واعتني ببشرتج و شعرج و وقت الشاور ضغطي شوي على بطنج مع الماي الدافئ علشان اذا في أشياء تنزل ثالث عشر ايّام اذا حابه تييبين دهانه و مساج و استمري على الأعشاب و الحليب وحبوب الفيتامينات و الاكل الصحي و العناية الصح العشره الاخيره حمام مغربي و ليزر و تطهير للمنطقة و تعطير بالأعشاب و اذا حابه تروحين عيادته لبشرتج و صالونات و نبوووو لوك

العضوة: 370699 , 7 years ago

وان شاءالله اذا تذكرت شي بكتبه للفايده

العضوة: 35148 , 7 years ago

@user-370699 الله يجزاج خير سيفت كلامج عشان أتذكر اتشجع

العضوة: 370699 , 7 years ago

حبيبتي الله يسهل عليج يارب و تقومين بالسلامه و يحفظكم كلكم من كل شر 😘😘😘😘

العضوة: 35148 , 7 years ago

@user-295200 قولي يارب اكتب لي الخيره وادعي ان شالله الله يسهل عليج سمعت ولاده العدان قيصري زين مدري عاد وقبل تولدين دفعي صدقه بنيه الولاده الميسره

العضوة: 406206 , 7 years ago

بنااااااااااات ابي نصييييييحتكم

العضوة: 423570 , 7 years ago

يعني ما تنتهي .، انا عندي مجموعته اختي شاريتها و لها ٤ شهور بس اخافف ماتنفع لازم جديده .،،

العضوة: 406206 , 7 years ago

امس بالليل كنت تعبانه وييت الصباح سولي تخطيط و قريت الطلق ٥٠ وقالي الدكتور عقب التخطيط اشوف شنو اسوي بحالتج عقب التخطيط قال كل شي سليم الياهال سليمين مافي داعي لاي شي وطلعت من المستشفى رديت البيت عقب ساعتين عوار قوي من تحت احس بعظم ذابحني من يمين ويسار ريلي شافني ابجي بصراخ قال امشي اردج المستشفى رديت دخلت على دكتورة و دايركت قالت لي فحص داخلي طلع الرحم مفتوح ٢ ونص سانتي قالت ماما انتي دخول دخلوني و عادوا الفحص ٣ مرات كل ساعتين نفس الرقم ماتغير والطلق يروح ويرد عطوني ابرة الرئة الاولى الساعه ٤ الفير واليوم الساعه ٤ العصر اخذت الابرة الثانية طبعا من اول فحص الله لايراويكم الدم الي نزل شي يخوف بس الدكاترة والسسترات قالوا عادي طول الاجراءات هذي انا بغرفة الولادة والطلق يروح ويرد اخذت دربات ٢ لحد ٧ ونص الصبح طلعوني الجناح وقالولي انا بالاسبوع ٣٢ و ٦ أيام يعني بداية الثامن تقريبا او نصه انا الحين خايفة من شي الي اهو الطلق الصناعي تهقون صج ٢ ونص ولادة ؟ ولا يبيلي بعد وقت يعني ممكن انطر اسبوعين وكم يوم ويولدوني تالي الماي ليلحين مانزل يعني اقدر اوصل التاسع والا دام تبطل الرحم يولدوني باي طريقة البيبي الاول راسه تحت ( للي مايعرفون انا حامل بتوأم )

العضوة: 35148 , 7 years ago

@user-370699 امين يرب اجمعين

العضوة: 35148 , 7 years ago

@user-423570 رفيجتي خذت من اختها باقي المجموعه ماتنتهي الا بعد سنه

العضوة: 35148 , 7 years ago

@user-406206 الله يهون عليج ٢ اتوقع عادي مو ولاده مفروض مع الفحص هذا يتوسع انتي توام واذا ولدتي وضعج عادي بس بيدشون شيشه اذا وزن اقل من كيلوين هذا الي اعرفه ماعليه ان شالله سهالات وتولدين طبيعي دام راس تحت

العضوة: 406206 , 7 years ago

@user-35148 سألت السستر قلتلها هل الدكتور مع الفحص قاعد يوسع والا بس يقيس قالت انتي توج بالثامن مايغامر فيج ويوسع يعطيج وقت عشان يكمل البيبي ينطر عليج ماقتنعت بكلامها من الدم الي شفته

العضوة: 35148 , 7 years ago

@user-406206 اي الفحص يسبب دم بس اتوقع صار توسعه لان فحص يحرض ع ولاده رفيجتي ماتحب تنطر اخر تاسع ف من ادش شهرها تروح العدان وهم من غير شي يحبون الفحص هههه وفحصو كم مره تروح يمكن مرتين ثلاث عقب تولد بالخاص ف هي تقولي الفحص يوسع يحرض

العضوة: 406206 , 7 years ago

بس عقب ٣ مرات فحص ماتوسع تم سانتيين ونص مستغربة وخايفة موعارفة وضعي هل يرخصوني والا اتم عندهم ويعطوني طلق صناعي حايشني رعب

العضوة: 35148 , 7 years ago

@user-406206 مدري والله ان شالله ماعليكم شر ماظن يرخصونج اتوقع دام مفتوح رحم قريب ٣ اكيد بتولدين بس ممكن ناطر يتوسع لي ٤ عقب يعطونج طلق صناعي،؟