العضوة: 690340 , 6 years ago

انا الحمدلله فصيله دم زوجي معاي وما اعاني من اجسام مضاده واللهم لك الحمد بطانه الرحم سمكيه ومافي مشاكل بالحمل بس عشان ماتت طفل لي بالثامن بدون سبب اصرفت لي ياه

العضوة: 579457 , 6 years ago

@user-690340 يعني ابرة وحدة تكفي او اكثر من ابرة

العضوة: 722814 , 6 years ago

انا بعد فصيلة دمنا زينه و بطلنتي زينه بس اادكتوره قالت لازم عشان نقلل فرص الاجهاض لان حملي عزيز

العضوة: 690340 , 6 years ago

لا على حسب تعطيج ياها كل يوم او يوم وترك من تحملين لين تولدين وخلاص تصير نمط حياتج بالحمل واحسن لج اخذي الابره وتغزين لنفسج بالفخذ لين مايفرجها اللي وتخلصين

العضوة: 690340 , 6 years ago

ولاتنسين الجانب الديني احيانا يكون نفس او فزه لاسمح الله ماتدرين يعني زيت زيتون مقري عليه مسحي فيه بطنج وهالله هالله بالاذكار والرقيه الشرعيه واستودعيه الله

العضوة: 690340 , 6 years ago

انا سالفتي سالفه والله العظيم على اني متزوجه لي سنتين بس كأنني عايشه دهر معاهمم انا بنت صغيره ترا ممكن توي صرت بالعشرين زوجي مطلق بنت عمه قعد معاها بس اربع سنين وعشان الانجاب طلقها واخذته والحمدلله حملت من اول شهري طبعا اول ماحملت مالهم سيره غيري هاذي اللي حملت بسرعه وهاذي اللي ما صار لها شهر كنت اسمع كثير وسكتت وماعلي منهم بعد ست شهور من ولادتي الاولى بالثامن حملت ببنتي ونفس الكلام ما ارتحتي وما ادري شنو مع انهم مالهم دخل بالشي اللي يصير وحنا نطلع مخيمات مع بعض ووننام هناك بالشهور وعوايلهم كلهم ونظام اهل زوجي الرجال وحريم يقعدون مع بعض بنقباتهم ودراريع وكذا حالتنا فوق ماكنت حامل وكذا وبالثامن كنت انغث لان طليقته بس عندنا وقدامه تمشي وتضحك بصوت عالي واللي مادرا درا وفوق هاذا اختها معاي بالبيت ماخذه حماي وكل يوم داقه وجايه وتقعد بالمقلط وزوجي موجود وهاذا غير سوالفه انا يوم كنت متزوجه تخيلو تقولها قدامي بس الحمدلله زوجي معاي ويبني وابيه حتى ماياكل شي هي تسويه بالمخيم مايبي الحريم يضايقوني انه اكل منها والله وربي كنت ادخل لخيمه الحريم واسمع اي اكيد بتولد اول الدفعه مع بناتنا لانها لقطت بسرعه بولدها وبالثانيه اكيد بسرعه تخيلوا كنت مقصره بالاذكار وهاذا اللي ادبني والله لو اقعد بجنب زوجي الكل يخز بالنهايه فجأه ماحسيت بحركه بنتي الله يشفع فيها وجبتها وولادتها عسره وبعد تخيلوا بعشر ايام من نفاسي سويت عمليه زايده وكان كيئب نفاسي والحمدلله عدت بخير وسلامه واسفه اني طولت عليكم😔♥️

العضوة: 722814 , 6 years ago

الله يتمم عليج حملج و يكف عيونهم عنج و لا تفكرين فيهم خيولون و لا تقولين انك حامل اذا جذي يفكرون صدي عنهم حتى الجمعات تعذري لين الله يسهل و تولدين و اذا على طليقته و اختها ما يقدرون يسون شي اقصاهم كلام و حركات و لو ما مغثوثين ما يسون جذي و اهم شي ريلج يبيج و يحبج و الباقي كله مو مهم

العضوة: 690340 , 6 years ago

اي والله حرام اظلمه معاي ويبيني ولو تمر قدامه على انه تسلم على اخوها يشهد علي ربي ينزل عينه او يلعب بجواله عشان مايضايقني بس استغفرالله يعني لي متى لا وتخيلي يقارنون حياتي فيها ليش انا رحت شهر عسل وهي لا ليش يطلعج ويمشيج وهي كانت لاا ليش يجيب لج خدامه وانتي ماعندج الا طفل وهي لااا لاعه چبدي من كثر مايقارنون وانا صافقتهم بالطوفه بكيفهم يتكلمون لي بعد يومين ماعلي بس وربي غثوني لدرجه ماتتخيلونها بس الحمدلله اللي ربي عطاني ع قد نيتي

العضوة: 690340 , 6 years ago

هاذا غير لمن يمدحون طبخها هي عمرها ٣٠ يقولون ماصار وراعيه كشخه وراعيه ما ادري شنو بس والله مو عن شي بس لو تشوفونا فرق انا شهر ثمانيه اصير ٢٠ متخيلين ويقارنون بيننا وهم حمولتي كلهن مايتعاملون الا ب ٨٠ اوزانهم وفوق ويشوفون شايبي يبيني ويضحك معاي ويقول ماراح اخذ الا منكم لو بتزوج جايبها ع ضحك يقولون ليه يقول ابي مزيونه مثل مرت ولدي هم هنااا خلاااصص ينجنون فوق هاذا كله المدح مو طبيعي ولمن ارجع لغرفتي يقول زوجي ماعليج منهم وخالقي انتي اجمل ومن ناحيه طبخ انتي ماصرتي بعمرهم وطبخج مثل مستواهم واحلى واطبخ كل الاصناف والقى سوالف علي قسم انها تشلع الروح وتغث

العضوة: 722814 , 6 years ago

ادعيلها تتزوج و تفتكين انا في وحده مع زوجي بالدوام من قبل لا اخذه و اهي تبيه و تدز مسجات و ايميلات و كل شي و اهو ما يبيها و قايلها و يصكها بلوك تطلع له من كل مكان ما ارتحت منها الا لمن تزوجت و فكتنا

العضوة: 722814 , 6 years ago

عليج بالاستغفار باليوم 70 مره والله بيحصل الي انتي تبينه و اكثر بس بمن تستغفرين انتبهي تقولينها كامله استغفر الله ربي و اتوب اليه و الله يتمم حمالج على خير يارب و يرزق من فضله

العضوة: 579457 , 6 years ago

@user-690340 يعني ابرة وحدة تكفي او اكثر من ابرة

العضوة: 501796 , 6 years ago

لا تحترين ولا شيء دايم الطراقات اللي تيينا من الدنيا تعلمنا ولا مرة تضايقت من موقف الا وتأدبت وقرصني وتعلمت منه تدرين شنو أهم شيء بالدنيا؟ تنامين على مخده نظيفه وبيت ريحته تهبل ويلق وخنييين چان تبين لقمه ربي لك الحمد چان تبين دوا تقدرين تشترين چان تبين كلمه او احد يطبطب على قلبج بتلقين ريلج يمج ولا لو بدققين على شيء شيء بالدنيا مراح تخلصيييين لا من قريب ولا من بعيييد والله يفرج همج ويسعدج ويفتحها بويهج فتح العالمين يارب

العضوة: 698988 , 6 years ago

يا حبيبتي أنتي ربي يتمم لج ويحفظلج جنينج يارب ومالج شغل فيهم هذي من الحره تسوي جذي الحين خلي كل تفكيرج اهتمام بجنينج وبنفسج وريلج لا يهزون فيج شعره قطيعه والله يغارون منج وحاولي لا تروحين لهم بكل مناسبه لين يعدي حمالج على خير والحمدلله أنج ملتزمه بالجانب الديني اللي الله معاه ما يخاف من شي ربي يحفظج ويحفظ اللي ابطنج

العضوة: 722814 , 6 years ago

على حسب دكتورتج بعضهم كل يوم لي التاسع و ناس كل يوم ابرتين و ناس يوم و ترك على الوزن و الحاله و هذي ابره خطره لازم الدكتور يحدد جرعتها اذا زادت ممكن تصير نتايجها عكسيه