العضوة: 29227 , 5 years ago

مرحبا بنات انا من الشارجه وهذا حملي الثالث فالاسبوع ال١٢ باقيلي يومين ع ١٣ واتابع ف زليخه الشارجه ❤️

العضوة: 456908 , 5 years ago

@user-29227 هلا الغالية نورتي وتكملين عاخير ويا منو بزليخة تتابعي وكيف وضعهم

العضوة: 688182 , 5 years ago

الله يسهل عليج و يقومج بالسلامه يارب كيف تجربتج وياهم هل تنصحيني عندهم لان ولادتي الاولى كانت ف توام و ندمت الصراحه قد شعر راسي و الحين اتشاور افتح ملف ف كند

العضوة: 29227 , 5 years ago

اهلين حبيبتي بوجودكم❤️ تابعت عند حميره ف ثاني ولد لي والصراحه ماعيبتني الحين اتابع عند نوره مادري اذا هي يديده او لا بس اول مره رحت حسيتها اوك وتأخذ وتعطي وكانت تطمني وتشرح لي كل شي بس بجوف اليوم لما بروح كيف 😁❤️

العضوة: 552738 , 5 years ago

من العين وفالشهر الثامن واراجع في عين الخليج عند الدكتورة اميمة.. حد جرب الولادة هناك!!

العضوة: 313733 , 5 years ago

من العين وفالشهر الثالث اراجع ف مستشفى كند عند دكتوره فيروز هذا ثاني بيبي لي الحمدلله 💕 الاولى كانت بنوته ربيت ف كند تعاملهم وايد حلو بس انا طولت خذت يومين فالمستشفى لان نزل عليه الماي ومافيني الم ف عطوني طلق وجسمي ماتقبله وايد كان مايرتفع الويع ابدا 😭💔 حطولي ثلاث غراش طلق صناعي وخذت ابره الظهر اخر شي عقب ماتعذبت 😂 الطاقم الطبي مرو عليه ثلاث شفتات كلهم حبوبيين واذا صادفتو القابله البريطانيه تعلقو فيها واااااااااايد تهتم انا من نحاستيه خلص شفتها وماربيت يتني عقبها وحده دفشه شوي بس وقت الدفع والولاده كانت قويه وقوتني ههههههه جني كتبت قصه ولادتيه المهم كند احسه وايد احسن من توام يمكن لاني ماجربته بس انا وخواتي كلنا سبع نربي ف كند وشكرا 😂

العضوة: 456908 , 5 years ago

@user-29227 انتي وين تربي هذا اول حمل والا مربيه قبل

العضوة: 29227 , 5 years ago

لا انا دوم اربي عندهم بس اول مره كنت اروح عيادة الشرطه عقب فشهر الثامن رحت زليخه وربيت هناك كان اوكيه والحمدالله وايد صبرو على ولادتي الثانيه راجعت عندهم عطول ع مدح حميتي للدكتوره والصراحه كانت تسوي سونار سريع وكل شي بسرعه ويوم الولاده لان الطلق كان حامي وصلت عندهم وماشالله خلاص ولاده سيده تعرفين هالوقت تحتاجين الدكتوره تخفف عنج تخيلي سوت لي بيدها بمعنى شو وكانت مكشره ومو عايبنها شي ولما خيطوني وكل شي يت المشرفه جافت شاش ناسينه داخل وردو قصوو ونظفو وخيطو تخيلي العذاب وانا ميته خلاص مافيني حيل ومع هذا هي حتى مايت تطمن او تسأل عني ف الصراحه ماعيبني ابد هالمره غيرت الدكتوره مشكله ريلي رافض اي مكان ثاني يقول هني دوم نتعامل معاهم وخلاص عايبنه والسموحه طولت وايد بس هذا الي صار معاي

العضوة: 688182 , 5 years ago

يزاج الله خير طمنتيني والله لاني خيفانه من كل المستشفيات تقريباً 😂😂😂 اعالج عند دكتوره يمينه و لو تولد جان رحت عندها الله يسهل علينا يارب و يسخر لنا الدكاتره و القابلات الزينات 😢♥️

العضوة: 313733 , 5 years ago

الله يسهل عليج ويطمنج ان شاء الله ، بنت اختي مربي من شهر دخلو مرافق واحد وياها بس وتبات ليله وحده وتطلع الحمدلله عندنا فالدوله وتيد مهتمين وبعدين يختي محد ياي يولد عنج كله تساهيل من رب العالمين توكلي على الله وربي بيرزقج الافضل ❤️

العضوة: 688182 , 5 years ago

اللهم امين يارب 💕 لااااا ان شاءالله انا موعد ولاتي ف شهر 11 و ان شاءالله لين هالوقت كرونا ماشي متهمين و مب مقصرين ف شي بس تعرفين هايج الساعه تبين حد يخفف عليج مب يزيدج الويع بروحه قصه ثانيه انا ولدتني قريش لابركتن فيها والله اني كرهت توام بسبتها عقب الولاده يتني عصبه و اشتكي لها مب راسمه ارضع ولديه و لا سويت لي سالفه يعلها شو اقول لكن حمدالله الله يسر لي وحذه عراقيه طيبه وايد و كتبت لي فولترين و حازت عني

العضوة: 680550 , 5 years ago

من بو ظبي ف الشهر4

العضوة: 692261 , 5 years ago

هلا هلا انا ف الاسبوع الثامن

العضوة: 702891 , 5 years ago

@user-692261 انا بعد نفسج فيج اعراض وحام ولا بعده؟

العضوة: 521304 , 5 years ago

حمدالله ولدت اليوم ويبت احلى بنت عقبالكن❤️