العضوة: 610414 , 6 years ago

بناااااااات بس ودي اعرف في احد منكم يحس بألم دااااخل المهبل من جوا بإتجاه الرحم الألم مو قوي بس مو مريح

العضوة: 610161 , 6 years ago

انتي اللي قالتلك الدكتور إحتمال تحتاجي ربط صح ؟؟

العضوة: 130312 , 6 years ago

مكتوب 12 اسبوع ويومين بس فيه بنات يقولون انها خطأ تتقدم اسبوع اللي في البرنامج والله اعلم

العضوة: 610414 , 6 years ago

ايوا قالت ممكن تحتاجي ماأكدت تقول اذا الألم صار قوي لازم تسوين بس حاليا مافي ألم قوي ألم لا يذكر

العضوة: 610161 , 6 years ago

ايوا ياقلبي بس شي غريب اخاف كلما تقدمتي بالحمل زاد الألم انا ما احس بهالألم اللي وصفتيه نهائي الحمدلله مدري اذا في حوامل هنا شعروا فيه ياريت يفيدوك

العضوة: 599083 , 6 years ago

يا بنات بأسألكم والله انتي خايفة انا قبل شهر تقريبا نزل عليا بني و قالو لي انه الرحم كان بيفتح و يمكن احتاج ربط طبعا بعد ما حولوني عند أخصائي الأشعة و عملي سونار على عنق الرحم .. و صراحة الدكتورة ما عجبتني تقولي ارتاحي و ما رضيت تعطيني اجازة غير يومين و تقولي ممنوع السفر و انا عملي ١٠٠ كيلو من مكة و انا اصلا دكتورتي إلي كنت اتابع عندها من ايام حملي في بنتي في جدة و بعدين كنت محتاجة اطمن عشان اروح الدوام بعدها بأسبوعين رحت لدكتور ثاني في نفس المستشفى لاني ممنوعة من السفر خوفا على حملي و شاف بالسونار و قلي كل شي تمام و الرحم قفل و كنت اخذ تحاميل تثبيت سايكلوجيست و سألت يحتاج اعمل أشعة ثاني قال لا بس اهم شي ما اشيل بنتي و ما اشيل شي ثقيل و ما ادف شي و لا احزق و استمر على التحاميل .. و لمن قولت لدكتورة نساء و ولادة زميلتي إلي في نفس العيادة إلي اشتغل فيها قالت غريبة المفروض إلي يحدد الرحم مفتوح و لا لا أخصائي الأشعة في غرفة الأشعة هو الي يقرر مو دكتور النساء و الولادة و قالتلي بالنسبة ليا انا لو فتح الرحم مرة خلاص المفروض تعملي ربط لأنه نخاف ممكن يفتح ثاني في اي وقت و اصلا بيجيني مغص جهة اليمين نفس الي جاني لمن قالولي الرحم بيفتح و أمس جاني مغص من الصبح و نمت و خف و رجع ثاني الين المغرب يروح و يرجع يزيد و يخف و أحيان يزيد لدرجة اصرخ من الألم يمكن لأنه قبل امس طولت واقفة في المطبخ و مرة عصبت على بنتي و جاني المغص برضو.. و انا ابغى اروح اطمن عند الدكتورة إلي كنت اتابع عندها في جدة في الأطباء المتحدون و اشوف رأيها بس خايفة من كرونا و اصلا لازم اربط إذا بتربطلي في الأسبوع ١٣ أو ١٤ ما ينفع بعد كدا يعني ما ينفع آخر الروحة.. ف ابغى اسأل في جدة منتشرة كرونا و في حالات في الأطباء المتحدون إلي تعرف تجاوبني انا خايفة و مترددة اخاف اروح عشان الكورونا و اخاف اجلس و يروح يصيرلي شي لا قدر الله

العضوة: 610161 , 6 years ago

طيب والحاسبه اللي حسبتلك فيها قالت ١٢ أسبوع ويومين يعني مضبوطين ع بعض لكن طبعاً حساب الدكاترة كلنا ثاني لأن الحاسبات تزود اسبوع تحسب من يوم الدورة اما الدكاترة يحسبوا من بعد الدورة بأسبوع فعشان كذا تواريخ الولادة اعطوا لك ٣ واحد بناقص اسبوع و واحد بزياده اسبوع

العضوة: 130312 , 6 years ago

يلا الله ييسرها ويبعد عنا وعنكم كل مكروه 🌹

العضوة: 130312 , 6 years ago

بيشو الله يعطيك العافيه يارب ويتمم لك حملك ويفرحك بمولودك سليم معافى من كل شر بس ياليت تروحين لاخصائي كويس اسألي عن أفضل أخصائي وروحي له وشوفي وش يقول لك

العضوة: 610161 , 6 years ago

ياقلبي جدة تعتبر اقل من مكه وبقية المناطق بإنتشار المرض ، تقريباً حاله قبل اسبوع وحالة امس فقط لاغير عدا ان جدة جات في المرتبه الأولى عالمياً بالإحتراز المبكر من كورونا ، انا اقولك هالكلام لحتى أطمّنك وماتسكتي على نفسك ياتشوفي دكتورة شاطره عندكم يا اما تجي لدكتورتك هنا وماتخافي لاتضيعي وقت ، موضوعك اقلقني وحسيت بكل كلمه قلتيها وصح كلام صديقتك الوحده تخاف من إن كلما زاد الضغط في الرحم وكبر الجنين يفتح معك لاقدر الله في الخامس والسادس روحي لدكتورتك ، واحنا هنا في جدة صحيح كل شي مقفل وممنوع الطلعات وكذا لكن اللي بيطلع لشراء اغراض واشياء ضرورية يلبس كمامة وجلفز يدات ويعقم يديه واصل ، للوقاية وماعليه شر ربنا يطمّن قلبك وطمنينا ايش بيصير معك

العضوة: 599083 , 6 years ago

يا رب امين و يتمم لنا إن شاء الله كلنا على خير... بس عادي اروح اطمن؟! انا بس خايفة عشان الوباء.. الله يحفظنا يا رب من كل شر

العضوة: 599083 , 6 years ago

الله يسعدك طمنتيني.. خلاص أجل بأروح بإذن الله

العضوة: 130312 , 6 years ago

ياعمري يابيشو تحصني باذكارك وسوي الاحتياطات وباذن الله مايجيك الا كل خير وتوكلي على الله وروحي والله يطمن قلبك

العضوة: 599083 , 6 years ago

امين يا رب.. الله يسعد قلوبكم و يطمني و يطمنكم بإلي يفرحكم يا رب.. ان شاء الله باتحصن

العضوة: 610161 , 6 years ago

آميين ياقلبي وربنا يبشرك بما يسرك وتكون روحتك خير إن شاء الله