صباح الخير بحكي لكم شي صار معي و اتمنى اللي مرت بتجربه مثلي ترد علي قبل كم يوم رحت مراجعه للدكتوره بسوي تحاليل و سونار اشوف وضع الطفل المهم الدكتورة سالتني اذا ولدت قبل طبيعي او عمليه قلت لها عمليه سالتني عن السبب قلت لها فكت المويا و راس الطفل كان مرتفع شوي على كلامهم طلبت ملفي و دخلت تكشف علي وقالت الطفل راسه مو بالحوض و مراح تولدين طبيعي لانك حوضك ضيق !! والله ما مداها تفحصني بس حطت السونار قالت ذا الكلام قلت لها حوضي ضيق ؟ قالت ايوه مكتوب بملفك انه سبب العمليه الاولى حوضك ضيق قلت لها محد قال طيب قامت تتفلسف علي و انه راس الطفل كان مرتفع لان حوضي ضيق و لان حوضي ضيق فكت موية الطفل بدري و حددت لي يوم الاحد تكشف علي و الاثنين عمليه و كانت بتعطيني ابرة الرئه مره ثانيه غير نبهتها انا اني اخذتها قبل اسبوعين و طلعت من عندها ابكي و نفسيتي زفت يعني بالسهاله ذي قررت اني عمليه بدون ما تفكر انها تعطيني فرصه احاول رحت كلمت مدربة ولاده و دكتوره فاطمه الشنقيطي قالت لي مافي شي اسمه حوض ضيق ما تقدر تحدد الا لما تدخلين مرحله ولاده و دفع لان الحوض يتفكك مع الولاده و ويتغير و انا مقتنعه بالكلام ذا و ماني مصدقه المستشفى اللي عندي لان كل الحريم يولدونهم عمليات لاسباب تافهه جداً وكمان قبل كذا سالتهم ليه عمليه قالوا عشان المويا بس و لانك بكريه طولتي خافوا الطفل يتضرر و دخلوني عمليه يعني فيه كذب اليوم بروح لدكتوره ثانيه و اشوف و ش تقول و ناويه اروح لاكثر من وحده اسالها اللي قهرني انها جهزت اوراق عمليتي من قبل يومين هي ما تبغاني حتى ادخل في طلق تبغى على طول اولد عمليه بس مراح اسلم نفسي لها الا بعد ما احاول اذا في وحده مرت بتجربه زيي وولدت طبيعي تكتب لي والله اني ادعي الله كثير و عندي ثقه بربي لانه هو خلقني و عالم بحالي هي نا تعرف شي بس تخمن تخمين