العضوة: 156041 , 7 years ago

@user-11398 ههههه حبيبتي ضحكيتي معليشش هبتي نتي لي سمحيلي تعبتك معاي مالقري عندي طفل كبير بصح كان يرضع بيبرون ومياكل والو بيسك دهلتو لفرينة علاء دين لحلو ولا ينكر بطاطا وجريوات وزرودية ميحبهنش ولحد لأن ميكل والو غير دانون وحليب اما ولدي تاني بغيت نخرجو ياكل نورمال ماكلة لي فيها فايدة وشكر حبيبتي جزيل الشكر وممكن ننضم لقروب تاعك ادا مكتش احراج

العضوة: 11398 , 7 years ago

@user-156041 نسيت نقولك انا ولدي نويت نتبعله النظام،بصح راكي عارفة السكنة وسط العايلة تخرق القوانين لي يجي يدوقه حاجة المهم لي نوصيك علميه الماكلة متهمليهش باش يوالفلك خاطر صحاب الرضاعة الطبيعية يوالفو غي الصدر ويعيفو الماكلة لا موالفوهاش

العضوة: 11398 , 7 years ago

@user-69243 هههههه عندي خرجات متخميش😂

العضوة: 156041 , 7 years ago

@user-11398 آه يااختي متفكرينيش فالعايلة ولدي لول رجعوه مهبول ويعطيوه واش يحبو وزيد ضرك ولو يحرشوه يسبني سكتي عليا قلبي معمر منهمهم

العضوة: 156041 , 7 years ago

@user-11398 اختي ولفرينة لمليحة واش اسمها ولا واشمن نوع

العضوة: 11398 , 7 years ago

@user-156041 واه ختي مرحبا بيك هادي ليبغيت نوصللها،لاوالفلك السقايط يكبر غي فيهم علا هادي قتلك ولفيله الماكلة حتا يكبر شوية دوقيه البنون والفرينة خطيك منها دروك،خليها حتا ل8 اشهر دخليهاله فالعشا هادو نصائح بيدياتر عطاهملي وجابو معايا نتيجة بصح الفرينة تاني مقبلهاليش😏😏😏 ياكل ماكلة ولا يرضع راني نقارع يكبر شوية ونديرله شكلاطة غبرة فالحليب بلاك يشدهالي ،لانو خاصه يتعلم يشرب الحليب ونسيت نقولك انا مام دروك القهوة تع العشية ،نفخله ڨاليطة في لاتاي ميبغيش الحليب😂😂😂😂

العضوة: 156041 , 7 years ago

@user-11398 ههههه والله نستعرف بيك انا ولدي لول معرفتلوش خلاص موكلتو وماحوست عليه واش يعطيوه نقبل معلابالي بوالو كنت غبية اما هذا حلفت نخرجو ياكل طبيعي ضرك ولاد سلافي كل ياكلو ماكلة غي ولدي يقعد يتفرج شوفي من غدوة نبدا بطاطا نفورها ولا نغليها ؟؟ونرحيها ونزد شوي زيت زيتون ونوكلهالو هاكة ياكي وبتيسويس ناتير نمدولو علا 10صباح

العضوة: 156041 , 7 years ago

@user-69243 مرحبا 🙋🙋🙋

العضوة: 11398 , 7 years ago

@user-156041 هههههههه مشكل تع العايلة لا نهاية له المهم نتي ولدك علا حساب متربيه يكونو صغار وكي يقولو كلمة ولا يضربونا نفرحو،سعدي بولدي راه يعرف..لاااااااا خطا كبير،الطبيعة تكبر معاه وصعيب نحوعاله من صغره علميه ولا شفتيهم يعلمو فيه حاجة مشي مليحة ،ديه لدار وخدرا وريڨليله السينيال،فهميه،مشي قدامهم يدير الدراع بيهم ويحلوله العينين

العضوة: 156041 , 7 years ago

@user-11398 ايه صح خيتي خصني نتعلم شوي راني كي مهبولة ديما توصيني ماما بصح منعرفش نتصرف وهوما تخيلي علموه يعيطلي حنان ويضحكو عليا صافي ميقوليش ماما 😭😭😭 قدامهم

العضوة: 11398 , 7 years ago

@user-156041 انا مين كنت بالكرش كنت نضل نبحث هههههه عندي عجوزتي غي تاع حشاوش وديري وديري وكاين صوالح مكانش قاع منهم املا كي تقولي حاجة نقولها واه ونطلع لشمبرتي وندير رايي في ولدي😸😸😸😸 باش نايفيتي علا روحي هههههه مانجوع الديب ما نبكي الراعي

العضوة: 156041 , 7 years ago

@user-11398 هههه ايه صح عندك لحق ياختي جابو بكري ورباو بكري ومزالو يدخلو فينا انا عجوزتي تكرهني كره شديد كي ولدها حبني وصرا فيا لباطل معاهم ومزالني نقاسي بصح لحمد لله راني بوليداتي دز معاهم ايا بصح ضرك زوجت سلفي جابت عروس معاها هبلتها انا نسكن وحدي لتحت وهوما لفوق ولات تجي تشكيلي منها ههههه

العضوة: 11398 , 7 years ago

@user-156041 لااا ختي قتلك عاودي ديريله ميزاجور بصح بالسياسة عمرك متجيبيهاله خشونية خاطر يشوفك نتي تزڨي عليه وهوما فرحانين بيه ويضحكوله حاجة باينة يوقف في صفهم نتي هدري معاه متقوليش ميعرفش ،فهميه بلي انا ماما متقولش العيب ولا دارلك حاجة بكي قدامة، اربحي العاطفة تاعه...

العضوة: 156041 , 7 years ago

@user-11398 ربي يحفضك ايمان اختي كلامك ريحني بزاف وعجبني نشالله نتبع نصائح تاعك مع ولادي ونشوف ربي يحفصلك وليدك

العضوة: 11398 , 7 years ago

@user-150617 كيراكي ختي عقلت 50بالمية ههههه سقسيتيني علا بلاطو كيراه وليدك الحمد لله علا سلامتك كيجاتك المغامرة