السلام عليكم مبروك علينا وعليكم عشر ذي الحجه الله يكتب لنا جنته يارب الا بنات بقولكم سالفتي الغريبه مع جارتي تخيلوا انا ساكنه بمدينة غير مدينة اهلي واهل زوجي يعني ماحولي احد غير ان فيه جاره تعرفت علي وصارت تحب تزورني وتعزمني وكذا المهم مالكم بالطويله تخيلوا قامت تسألني جهزتي شي لنفاسك قمت اقول وانا ع نيتي طبعاً ايه الحمدلله شريت اغراضي بس باقي ماجهزتهم من تعبي انتظر ارتاح فتره من تعبي وادا ارتبهم وكذا علشان بروح لأهلي وقالت طيب ادويتك جهزتيهم ؟؟ قمت قلت وش ادويته !! قالتلي ادوية النفاس يعني حوايجك او كورسك وتو استوعبت عليها وفهمتها وقلت اها ايه شريتهم من العطار بس باقي مازينت فيهم شي وقامت تسألني بحكم اننا مررررره نمون ع بعض وقريبات حيل من بعض فعادي تسألني وقالتلي بصراحه يافلانه وش شريتي لأنك بصراحه وبدون ماتزعلين والله اني احبك بس من هيئة جسمك وشحوب وجهك واضح انك مو راعية حوايج وادويه سنعه وكذا قلتلها الا بالعكس وقمت اعدد لها وش شاريه شاريه حلبه وكمون ومره وماش ورشاد وحبة بركه وشمر وينسون وكراويا وقشر قهوه ماعمري خليتهم قامت قالت لي ذولي اللي عديتيهم علي بس مجرد مسكنات مو البذور الخاصه بالحريم وتنفهم وتنفع اجسامهم طبعاً انا مافهمت وش تقصد بالبذور وسألتها وش البذور وقامت تقولي معقوله ماتعرفينها اجل كيف تهتمين في نفسك وقمت اقول والله مااعرف الا اللي ذكرتهم لك قامت تناظر فيني بغرابه وقالت غريبه امك وينها عنك معقوله ماعلمتك قمت اقولها وش قوليلي بعدين قطع سالفتنا جوالي زوجي جاء للبيت وانا كنت ببيتها طبعاً وقمت بستأذن بروح وقلت لها قبل اروح بالله وش البذور اللي تنفع الحريم وتوضح على جسومهم ووجيهم وقالتلي والله يافلانه ماادري وش اقولك بسوالله من جد صدمتيني انك ماتعرفين شي بس شوري عليك اسألي امك عنهم ((اااخ يابنات والله اني مت الف موته يوم طلعت مااعرف شي وان اللي استعملهم بس مسكنات ماتنفع الحرمه بشي وانا اشوف مالي ارداف ووجهي باهت ولا اسمن بعد مااطلع من الاربعين اثاري طلعت مااعرف شي بسوالف الحريم المشكله امي كبيره بالسن وسألتها مية مره ولاتعرف ولاتذكر شي وجارتي ماشاء الله عليها جسم ماشاء الله تبارك الرحمن ومالها بطن ومهتمه في نفسها يعني لو جسمها يسد النفس يمكن اقول تكذب علي بس شكلها غييير ماشاء الله ربي يزيدها ،، تكفووون ساعدوني علموني والله مااعرف شي ))😭😭 والقهر جارتي راحت لأهلها لأنها نفسي بمدينه ثانيه وانا مستحيه اسألها احس مالي وجه يوم قالت لي ماتعرفين شي بسواليف الحريم 😔💔